[Sidenote: Ciuitas Hebron.] Hinc ad Leucas duas venitur in ciuitatem Hebron, et Hebron ab Helyn distat ad Meridianam plagani millibus circiter 39. de qua legitur, quod primis temporibus fuerit habitatio maximorum Gigantium, Regumque, postea Dauidis. In hac est illa spelunca duplex, quae seruat ossa sanctorum Patriarcharum, Abrahae, Isaac, et Jacob, Sarae, et Rebeccae, consistitque ad radicem montis, et habetur super istam cum propugnaculis ad modum castri constructa pulchra Ecclesia. Sarraceni appellant istam speluncam Kariackaba, custodienies locum diligenter ac reuerenter propter honorem Patriarcharum, et non permittentes quenquam Christianorum aut Iudaeorum ingredi, nisi ostenderit super haec specialem gratiam a Soldano. Nam ipsi communiter reputant tam Christianos quam Iudaeos pro canibus, et quando despectiue eos volunt appellare, dicunt Kylp, id est, canis. [Sidenote: Vallis Mambrae Quercus arida.] Ab Hebron incipit vallis Mambrae, quae protenditur fere vsque Ierusalem: haud remote ad Hebron est mons Mambre, et in ipso monte arbor quercus aridae quae pro antiquitate sui, speciale sibi nomen meruit in mundo vniuerso, vt vocetur arbor sicca: Sarraceni autem eam dicunt Dirp: haec creditur stetisse ante tempora Abrahae, tamen quidam volunt putare a mundi initio, virens donec passionis Christi tempore siccaretur. Hoc autem certum est haberi eam ob omnibus nationibus in venerationem. [Sidenote: Gambil species Aromatis] In quodam loco praefatae vallis est planicies, vbi per plures fossas effodiunt homines Gambil, quod comeditur loco specierum aromaticarum, et per villas defertur venale, sed et hoc audiui, quod nulla ibi fossa ita valet exhauriri, si dimittatur per annum, quin inueniatur de praedicta Gambil impleta. Ad duas leucas de Hebron, monstratur sepultura Loth filii fratris Abraham. Item de ciuitate Hebron per quinque leucas amoeni itineris, hoc est in medio die, venitur in Bethleem Iudeae. [Sidenote: Kiriath Arbe.] Notandum, Arbe, id est, quatuor, primum dicum de eo quod ibi tres Patriarchae Abraham, Isac, et Iacob sepulti sunt, et Adam magnus, vt in Iudaeorum libro scriptum est, licet eum quidam conditum in loco Caluariae suspicentur. Corrupte in nostris codicibus Arboth scribitur, alibi erat arbor cum in Hebraeis legatur Arbe, haec est autem eadem Hebron olim Metropolis Philistinorum, ab vno filiorum Caleb sortita vocabulum. The English Version. Of the Weye fro Costantynoble to Jerusalem. Of Seynt John the Evaungelist; and of Ypocras Daughter, transformed from a Woman to a Dragoun.