"Gentlemen," said Gibby Jordan, "you mind me of a story that I have heard about a paddock that was lying on the plowed land, an' by comes the harrows, an' they gangs out ower the tap o' the poor paddock, an' every tooth gae her a tite an' a turn ower. 'What's the matter wi' you the day, Mrs Paddock?' says the goodman: 'Naething ava, but rather ower mony masters this morning,' quo' the paddock; 'I wish I were safe i' my hole again, an' let them ring on.' Sae master's, I'll tak the paddock's hint, an' wish ye a' a good morning." There was no such escape for the honest laird; they surrounded him, and insisted on hearing his sentiments at full length, teasing him till he began to lose his temper, a thing in which they delighted, for the more mischief the better sport for these wild border moss-troopers. But muckle Charlie perceiving this, came up to his side. "Callants, I'm appointit Gibby's guard," said he, "an' his guard I'll be. What the deil has ony o' you to say to him?" "Only to hear what he thinks o' the journey," was repeated on all sides. "Gentlemen," said Gibby, "the hale affair brings me a-mind of a story that I hae heard about a wife that had a batch o' chickens. But then, ye maun mind, gentlemen, she had a very great deal o' chickens, I daresay nae fewer than a hunner, for she had sax great cleckings; an' she was unco feared that the gled wad tak them away; sae she wales out a wheen o' the fattest an' the best, an' she sends them out to the cock, that he might herd an' tak care o' them. 'The cock will fleg away the gleds,' quo she, 'an' gar them keep their distance, an' I'll get my braw birds a' saved.' But by comes the greedy gled; an' when the cock saw him he croups an' he currs; an' blithe to keep his ain skin hale, he staps his head in a hole, an' the gled carried off the hale o' his bit charge. Weel, the gled, he fand them sae fat an' sae gusty, that he never linned till he had taen away every chicken that the wife had." "Where is the moral of that story, laird?" cried they: "We see no coincidence." "Because ye're blind," said Jordan: "Dinna ye see that Michael's the cock, the deil's the gled, an' ye're the birds. He'll get us first; an' he'll find out that we're sic a wheen rare chaps, that he'll never blin' till he hae ye ilk ane, an' that will be the end o' your daft embassy." All the rest of the nominated members being sent for expressly from their different posts, they soon arrived, but they seemed every one to be averse to the mission, except Colley the minstrel, who was elevated with the idea of being introduced to the celebrated Master, anticipating something highly romantic, and precisely in his own way. As for Thomas Craik, better known by the singular appellation of the Deil's Tam, he cared not much about any thing, provided he got plenty of drink, mischief, and breaking of heads.