"I hae lost my contracts, sir," began Sanny, not knowing how else to open up the subject. "But I'm gaun to tell you the hale story just in my ain way, so I want you to sit quate and no' interrupt me; for I hinna jist the knack of puttin' things maybe as they should be put. But I'll tell you the hale story an' then leave you to do as you like, an' think what you like." "Very well, Sanny. Just go on. I did not know you had lost them. But just let me hear about the trouble in your own way." "For gey near twenty year," began Sanny, "I've had maist feck o' the contracts in your pits back and forrit--me an' Tam Fleming. Walker an' us were aye gey thick, an' though it maybe was putten doon to you that oor offer to work ony special job was the cheapest, I may tell you that I never put in an offer in my life for yin o' them. Walker an'--an'" here Sanny stammered a little, "Walker an' oor Mag were gey thick, an' I'm ashamed o' this part o' the story; for I should hae been man enough to protect her frae him. But the money was the thing that did it, Mr. Rundell, an' I'm no' gaun to mak' excuses noo aboot it. But every bargain I had, I had to share the pay, efter the men was payed, penny aboot, wi' Walker. That was ay the bargain. He gaed us the job at his ain feegure, an' we shared the profits wi' him. "Noo, jist keep yoursel' cool a bit," he said, holding up his hand as Rundell made to speak. "We did gey well," he resumed in his even monotone, like a man who was repeating something he had learned by heart. "But gey soon I found that I was expected to spend a good share o' my pay in drink, while Walker took a', an' never spent a penny. So it was, that for a' the money we made we've been gey little the better o't, an' very much the worse o' it. Without exception we shared penny aboot with Walker on every bargain we got, an' I ken he has a guid bank balance, while I hae nane. "Noo, this is a rotten story frae end to end o't," he went on after a short pause to wipe his face with a handkerchief. "I allowed him to ruin my wife's character. I kent it was gaun on a' the time; but like mony mair I hae kent, a manager's favor was mair to me than the honor o' a wife. I let him tak' a share o' the money I made, an' spent my ain to keep him up on drink. But noo it's ended a'. A wheen o' weeks syne, a man ca'd Tam Granger came to the place and his wife being young an' fresh, an' guid-looking, besides being free, Walker's fancy was ta'en wi' her. So you ken what it means, when a gaffer carries on like that, an' the man is saft enough as weel as the woman being willin'. Tam got my contracts this week, an' I have to gang back into a common place and howk coals.