"Oh, dinna be feart, Leebie," began Mag as she saw Leebie's apprehensive look. "I'm no' gaun to meddle wi' you, although I swore yesterday that I would. You've only done what I did before you. You are young, an' mair pleasin' than I am noo, an', as he said, I hae had a good innins. But, Leebie, you'll hae to look for another fancy man. He'll no' be lang yours. I'll see to that. Him an' me will gang oot thegither, if I can manage it. We've baith been rotten, an' it's richt that we should gang baith at once, an' rid the place o' a dam'd bad sore. Guid day, Leebie. It's a dam'd puir life to leave, an' while it maybe is a woman's lot in life to sell hersel' for ease and comfort, it's a' bad for her when she does it in a way that the world says is a wrang way; for she soon finds that her life isna worth a tinker's curse. She sells hersel' an' it's no worth while complainin' if the bargain turns oot a rotten yin. "If every woman had plenty of honest work, there wad be nae fancy women, for they wadna ned do it. Guid day, Leebie. Maybe you'll think I'm strange a wee an' maybe so I am. You micht think I'm daft; an' maybe so I am. But after a while when you get time to think, you'll maybe feel that you hae heard mair soond sense oot o' Mag Robertson when she was mad than ever she spoke when she was supposed to be wise. Guid day, Leebie. Think ower a' I have said. I'm no gaun to hurt you; but I'm gaun to tak' Black Jock oot o' your clutches as shair as daith. You've had your innins too; but it has been a dam'd short yin. I've had mine, an' the game is feenished noo. It's time the hale thing was totaled up so that we can see wha is the winner. I've been maybe playin' a losin' game, Leebie, but noo we'll ken afore lang. Guid day, Leebie. I'm off," and she was out of the door leaving Leebie speechless with fear and amazement. Mag flew down the brae to the pit almost running, while Leebie and other neighbors looked after her with a strange dread at their hearts. When Mag arrived at the pit she asked a boy if Walker was up the pit yet for his breakfast. "I dinna' think so," replied the boy. "He's kind o' late this mornin'; but there's the bell chappit three," he said as the signal was made from the bottom that men were about to come up. "That'll likely be him coming up." The boy had no sooner spoken, than with a mad rush Mag darted forward, and opening the gates at the "low scaffold," where no one was near, being situated below the pit-head proper, with a loud scream she hurled herself down the shaft. "God Almichty!" roared the engineman who saw all from the engine house, as he rushed out of the door, calling to the pit-head workers. "Mag Robertson has flung hersel' doon the shank!" and immediately all was consternation. The engine keeper had just been in the act of signaling down to Walker, who was ready to ascend when he saw the flying figure dart forward and fling herself into the yawning abyss.