He reverenceth hym ryght nouht No rather than another. _Neminem salutaveris per viam_, Suche manere of men, Matheu ous techeth, We sholde have hem to house, And help hem when thei come. _Et egenos vagosque induc in domum tuam._ For hit aren murye mouthede men, Mynstrales of hevene And Godes boyes bordiours, As the Bok telleth. _Si quis videtur sapiens, fiet stultus ut sit sapiens._ And alle manere mynstrales, Men wot wel the sothe, To underfonge hem faire Byfalle for the ryche; For the lordes love and ladies That thei with lengen, Men suffren al that suche seyn, And in solas taken; And yut more to suche men Doth, er thei passe, Gyven hem gyftes and gold, For grete lordes sake. Ryght so, ye riche, Rather ye sholde, for sothe, Wolcomen and worsshepen And with youre goode helpen Godes mynstrales, and hus messagers, And hus murye burdiers, The wiche are lunatik lollares And leperes aboute. For under Godes secré seel Here synnes ben y-keverede. For thei bereth no bagges, Ne non botels under clokes, The wiche is lollaren lyf And lewede eremytes, That loken ful louheliche To lacchen mennes almesse, In hope to suten at even By the hote coles, Unlouke hus legges abrod, Other lygge at hus ese, Reste hym and roste hym, And his ryg turne, Drynke drue and deepe, And drawe hym thanne to bedde, And when hym lyketh and lust Hus leve ys is to aryse; When he rysen, rometh out, And ryght wel aspieth War he may rathest have a repast, Other a rounde of bacon, Sulver other fode-mete And some tyme bothe, A loof other alf a loof, Other a lompe of chese, And carieth it hom to hus cote, And cast hym to lyve In ydelnesse and in ese, And by others travayle. And wat frek of thys tolde Fisketh thus aboute With a bagge at hus bak, Abegeneldes wyse, And can som manere craft, In cas he wolde hit use. Thorgh wiche craft he couthe come To bred and to ale, And ovar more to an hater To helye with hus bones, And lyveth like a lollere, Godes lawe him dampneth. Lolleres lyvinge in sleuthe, And overe lond stryken, Beeth nat in thys bulle, quath Peers, Til thei ben amended. Nother beggars that beggen, Bote yf thei have neede. The Bok blameth alle beggerye, And banneth in this manere: etc. 4645. Luke xix, 23. 4659. Ps. xxxvi, 25. Junior fui, etenim senui: et non vidi justum derelictum, nec semen ejus quærens panem. 4695. Here again, after many verbal variations from our text, Whitaker's text adds the following long passage, which is very curious, and well worthy to be preserved. Whitaker calls it "one of the finest passages in the whole poem."