20-28 septembre. _A Orthéz_ (Courteault, p. 555). Va à Navarrens, ou il ordonne l’exécution de Bassillon, gouverneur de cette ville. 28 septembre. Arrive à Salies de Béarn (Lettre).[1774] 1-6 octobre. Séjourne à Salies, où il réorganise la justice. 10 octobre. Ouvre le synode de Lescar et part pour la Bigorre. 13 octobre. Occupe Betplan (Huguenots en Bigorre). 14-17 octobre. Etablit son camp à Lahitole (_ibid._). 18 octobre. Quitte Lahitole et se dirige vers Marciac (_ibid._). 21 octobre. Arrive à Nogaro (Lettre), qu’il pille et brûle (Huguenots en Bigorre). 22 octobre. Traverse Eauze (Comment.). 3 novembre. Occupe Condom (Huguenots en Bigorre), d’où il écrit aux consuls d’Auch. 3-17 novembre. Fait des courses dans l’Armagnac; menace Auch et Lombez; ravage Samatan (_ibid._). 17 novembre. Rentre à Condom (Dupleix), d’où il écrit aux consuls de Bagnères (Huguenots en Bigorre). Décembre. Faict sa jonction avec l’armée des princes. APPENDIX XXIII [P. 402, n. 1] ARCHIVES NATIONALES K 1,515, PIÈCE NO. 23 A [Montauben, janvier 1570.] [_Au dos_] Proclamation des Rebelles de France. De par Messeigneurs les Princes de Navarre et de Condé. Il est tres expressement commandé et enjoinct a tous gentilzhommes, capitaines, soldatz faisans profession de la religion reformée non enrollés soubz les enseignes et compaignies retenues pour la garde et deffence des villes tenues soubz l’obeyssance du Roy et desdictz Sieurs Princes, de in continent et sans delay se rendre en leur armée pour y estre employez au service de Dieu et du Roy sellon leur degré et quallité, et ce, sur peyne d’estre tenuz pour ennemys de la cause de Dieu et de la religion. Enjoinct aux gouverneurs des villes ou ilz seront sans expresse licence desdictz S^[rs] Princes, d’iceulx faire vuyder et desloger promptement, deffendre leur estre baillé logis ne vivres et les soldatz desvalizés et desgradés de leurs armes et chevaulx. Sy ont lesdictz Sieurs Princes estroictement deffendu et inhibé a toutz capitaines, soldatz et aultres estans de la presente armée de brusler, desmolir ny ruyner aulcuns chasteaulx, maisons ne ediffices apartenans aux gentilzhommes de quelque religion qu’ilz soyent, ne aussy des paisans et peuble estans ez bourez et villages du plat pais. Et d’aultant que les Courtz de Parlement et aultres officiers de la justice et conseil des villes, principalement ceulx de la ville de Tholouze se sont renduz, par une hayne trop cruelle et incapable, refracteurs, voyre directement oppozés à la publication et entretenement de la paciffication dernierement establye en ce royaulme, jusques à faire mourir inhumainement et ignominieusement le Sieur Rappin, maistre d’hostel du Sieur feu prince de Condé, nostre tres chere et tres amé oncle et tres honnoré seigneur et pere, contre toute foy et seureté publique a luy octroyée tant par le edict de paciffication que par expres sauf conduict et passeport a luy