'Les Sorcieres luy offrẽt des petits enfans le genoüil en terre, lui disant auec vne soubmission, _Grand seigneur, lequel i'adore, ie vous ameine ce nouueau seruiteur, lequel veut estre perpetuellement vostre esclaue_: Et le Diable en signe de remerciement & gratification leur respond, _Approchez vous de moy_: à quoy obeissant, elles en se trainant à genouil, le luy presentent, & luy receuant l'enfant entre ses bras, le rend à la Sorciere, la remercie, & puis luy recommande d'en auoir soing, leur disant par ce moyen sa troupe s'augmentera. Que si les enfans ayans attainct l'aage de neuf ans, par malheur se voüent au Diable sans estre forcez ny violentez d'aucun Sorcier, ils se prosternent par terre deuant Satan: lequel iettant du feu par les yeux, leur dit, Que demandez vous, voulez vous estre à moy? ils respondent qu'ouy, il leur dict, Venez vous de vostre bonne volonté? ils respondent qu'ouy, Faictes donc ce que ie veux, & ce que ie fay. Et alors la grande maistresse & Royne du Sabbat qui leur sert de pedagogue, dict à ce nouueau qui se presente, qu'il die à haute voix, _Ie renie Dieu premierement, puis Iesus Christ son Fils, le S. Esprit, la vierge, les Saincts, la Saincte Croix, le Chresme, le Baptesme, & la Foy que ie tiens, mes Parrain & Marraine, & me remets de tout poinct en ton pouuoir & entre tes mains, ne recognois autre Dieu: si bien que tu es mon Dieu & ie suis ton esclaue_. Aprés on luy baille vn crapaud habillé auec son capot ou manteau, puis il commande qu'on l'adore; si bien qu'obeyssans & estants mis à genouil, ils baisent le Diable auprés de l'œil gauche, à la poitrine, à la fesse, à la cuisse, & aux parties honteuses, puis leuant la queue ils luy baisent le derriere.'[221] The novice was then marked by a scratch from a sharp instrument, but was not admitted to the 'high mysteries' till about the age of twenty.[222] As no further ceremonies are mentioned, it may be concluded that the initiation into these mysteries was performed by degrees and without any special rites.