_Horum igitur vera ad normam Positura legetur:_ _Grandia, inæqualis, formosaque partibus amplis_ _Anteriora dabit membra, in contraria motu_ _Diverso variata, suo librataque centro._ {105.} _Membrorumque sinus ignis flammantis ad instar,_ _Serpenti undantes flexu; sed lævia, plana,_ _Magnaque signa, quasi sine tubere subdita tactu,_ _Ex longo deducta fluant, non secta minutim._ _Insertisque toris sint nota ligamina, juxta_ {110.} _Compagem anatomes, et membrificatio Græco_ _Deformata modo, paucisque expressa lacertis,_ _Qualis apud veteres; totoque Eurythmia partes_ _Componat; genitumque suo generante sequenti_ _Sit minus, et puncto videantur cuncta sub uno._ {115.} _Regula certa licet nequeat prospectica dici,_ _Aut complementum graphidos; sed in arte juvamen_ _Et modus accelerans operandi: at corpora falso_ _Sub visu in multis referens, mendosa labascit;_ _Nam geometralem nunquam sunt corpora juxtà_ {120.} _Mensuram depicta oculis, sed qualia visa_. [Sidenote: VIII. Varietas in figuris.] _Non eadem formæ species, non omnibus ætas_ _Æqualis, similisque color, crinesque figuris:_ _Nam variis velut orta plagis gens dispare vultu est._ {125.} [Sidenote: IX. Figura sit una cum membris et vestibus. X. Mutorum actiones imitandæ.] _Singula membra, suo capiti conformia, fiant_ _Unum idemque simul corpus cum vestibus ipsis:_ _Mutorumque silens positura imitabitur actus._ [Sidenote: XI. Figura princeps.] _Prima figurarum, seu princeps dramatis, ultrò_ _Prosiliat media in tabula, sub lumine primo_ {130.} _Pulchrior ante alias, reliquis nec operta figuris._ [Sidenote: XII. Figurarum globi, seu cumuli.] _Agglomerata simul sint membra, ipsæque figuræ_ _Stipentur, circumque globos locus usque vacabit;_ _Nè, malè dispersis dum visus ubique figuris_ _Dividitur, cunctisque operis fervente tumultu_ {135.} _Partibus implicitis, crepitans confusio surgat._ [Sidenote: XIII. Positurarum diversitas in cumulis.] _Inque figurarum cumulis non omnibus idem_ _Corporis inflexus, motusque; vel artubus omnes_ _Conversis pariter non connitantur eodem;_ _Sed quædam in diversa trahant contraria membra,_ {140.} _Transverséque aliis pugnent, et cætera frangant._ _Pluribus adversis aversam oppone figuram,_ _Pectoribusque humeros, et dextera membra sinistris._ _Seu multis constabit opus, paucisve figuris._ [Sidenote: XIV. Tabulæ libramentum.] _Altera pars tabulæ vacuo ne frigida campo,_ {145.} _Aut deserta fiet, dum pluribus altera formis_ _Fervida mole sua supremam exurgit ad oram._ _Sed tibi sic positis respondeat utraque rebus,_ _Ut si aliquid sursum se parte attollat in unâ,_ _Sic aliquid parte ex aliâ consurgat, et ambas_ {150.} _Æquiparet, geminas cumulando æqualiter oras._ [Sidenote: XV. Numerus figurarum.]