_Item_, Attour, your Lordschipe shall draw to good remembrance, and wey the great and havye murmur against me, bayth be the Quenis Grace, the Kirk men, Spirituall and Temporall Estaitis, and weall gevin people, meanyng, crying, and murmuring me greattumlie, that I do nott my office to thole sick infamouse persons with sick perversett doctrin, within my Diosey and this Realme, be ressoun of my Legasey and Primacey;[714] quhilkis I have rather susteaned and long sufferred, for the great luif that I had to your Lordschip and posteritie, and your freindis, and your house; als beleving suyrly your Lordschippis wisedom should not have manteaned and mulled with sick thingis that mycht do me dishonour or displeasur, considdering I being reddy to have putt good ordour thairto alwayes; but hes allanerlie absteaned, for the luif of your Lordschip and house foirsaid, that I bear trewly, knawing and seing the great skaith and dishonour and lack appeirandlye that mycht come tharthrowght, incaise your Lordschip remeid not the samyn haistelly, whareby we mycht bayth be qwyet of all danger, quhilkis dowbtless will come upoun us bayth, yf I use nott my office, or that he be called, the tyme that he is now with your Lordschip, and under your Lordschippis protectioun. (_Subserivit agane_,) J. SANCTANDROIS. By these formar Instructions, thow may perceave, Gentill Readar, what was the cayre that this pastor, with his complices, took to fead the flock committed to thare charge, (as thei alledge,) and to ganestand fals teachearis. Hear is oft mentioun of conscience, of heresy, and suche other termes, that may fray the ignorant, and deceave the sempill. But we hear no cryme in particulare laid to the charge of the accused;[715] and yit is he dampned as ane mensworne apostate. This was my Lordis conscience, which he learned of his fatheris, the Pharesies, old ennemyes to Christ Jesus, who damned him befoir thei hard him. But who rewlled my Lordis conscience, when he took his Eme's wyff, Lady Giltoun?[716] Considder thow the rest of his persuasioun, and thow shall clearlie see, that honour, estimatioun, luif to housse and freindis, is the best ground that my Lord Bischope hes, why he should persecut Jesus Christ in his members. We thowght good to insert the Answeris of the said Erle, which follow:--