ABBOT OF PASLEY[307]*] Maister David Panter, the Lardis of Balclewhe and Coldinknowis, to desyre certane of the other cumpany to talk with thame; which thei easelie obteined, (for thei suspected no treasone.) After long communicatioun, it was demanded, Yf that the Erle and Lord and Maister Henrie foirsaid, wold nott be content to talk with the Governour, providit that the Cardinall and his cumpany war of the ground? Thei ansuerit, "That the Governour mycht command thame in all thinges lauchfull, but thei had no will to be in the Cardinalles mercye." Fayre promisses ynew war maid for thare securitie. Than was the Cardinall and his band commanded to depart; as that he did according to the purpoise tackin. The Governour remaned and ane certane with him; to whom came without cumpany the saidis Erle, Lord, and Maister Henrye. After many fair woordis gevin unto thame all, to witt, "That he wold have thame aggreed with the Cardinall; and that he wold have Maister Henrye Balnaves the wyrkar and instrument thairof," he drew thame fordwartes with him towardis Sanet Johnnestoun, whether to the Cardinall was ridden. Thei begane to suspect, (albeit it was to lett,) and tharefor thei desyred to have returned to thare folkis, for putting ordour unto thame. But it was ansuerid, "Thei should send back fra the toune, but thei most neidis go fordwart with my Lord Governour." And so, partlye by flatterye and partlye by force, thei war compelled to obey. And how sone that ever thei war within the toune, thei war apprehended, and upoun the morne send all three to the Black Nesse, whare thei remaned so long as that it pleased the Cardinallis graceless Grace, and that was till that the band of manrent and of service, sett some of thame at libertie. And thus the Cardinall with his craft prevalled on everie syd; so that the Scotesh proverbe was trew in him, "So long rynnis the fox, as he fute hes."[308]