[676] In MS. G, "Mr. Thomas M'Cally chosen Provost."--Mr. Thomas M'Calzean of Cliftonhall, was educated at St. Andrews, being a fellow-student with George Buchanan, in St. Salvator's College in 1525. He was admitted Advocate in 1549, and became Assessour of the Town of Edinburgh; and was chosen Provost in 1558, as well as on the above occasion. He was appointed a Lord of Session, 20th October 1570; and died 5th June 1581. [Sidenote: THE QUENIS TREW LIEGES, WHA?] A contrair proclamatioun was publictlie maid, that the toun should be patent unto all the Quenis lieges; and so murtheraris, adulteraris, theavis, hooris, drunkardis, idolateris, and all malefactouris, gatt protectioun under the Quenis wyngis, under that cullour, becaus thai war of hir religioun. And so gatt the Devill fredome agane, whair that befoir he durst nott have bene sene in the day lyght upoun the commoun streatis. "Lord deliver us from that bondage." [Sidenote: THE DEVILL GETTING ENTRESS WITH HIS FYNGAR, WILL SCHOOT FURTH[677] HIS HOLL ARME.] [677] In MS. G, "will schut in." The Devill finding his rainzeis lowse, ran fordwarte in his course; and the Quene took upoun hir grettar boldness than sche and Baalles bleatting preastis[678] durst have attempted befoir. For upoun Allhallow day[679] thai blended up thair Messe with all myscheivous solempnitie. The ministeris thairat offended, in plane and publict place, declared the inconvenientis that thairupoun should ensew. The Nobilitie war sufficientlie admonished of thair dewiteis. But affectioun caused men to call that in doubt, whairin schort befoir thai seamed to be most resolute, to wit, "Whitther that subjectis mycht put to thair hand to suppresse the idolatrie of thair Prince?" And upoun this questioun conveined in the house of Mr. James[680] Mackgill, the Lord James, the Erle of Mortoun, the Erle Merschell, Secretarie Lethingtoun, the Justice Cleark,[681] and Cleark of Registre;[682] who all reassoned for the parte of the Quene, affirmyng, "That the subjectis mycht not lauchfullie tack hir Messe frome hir." In the contrair judgement war the principall Ministeris, Mr. Johne Row,[683] Maister George Hay,[684] Maister Robert Hammyltoun,[685] and Johne Knox. The reassonis of boyth partyes we will omitt, becaus thai wilbe explaned after, whair the same questioun, and otheris concernyng the Obedience dew unto Princes, war long reassoned in open assemblie. The conclusioun of that first reassonyng was, "That the questioun should be formed, and letteris direct to Geneva for the resolutioun of that Churche," whairin Johne Knox offered his laubouris. But Secretarie Lethingtoun, (alledging that thair stood mekle in the informatioun,) said, that he should wryte. But that was onlie to dryve tyme, as the treuth declaired the self. The Quenis partye urged, "That the Quene should have hir religioun free in hir awin chapell, to do, sche and hir houshold, what