Forsamekle as the Quenis Majestie, be the advise of the Lordis of hir Secreat Counsall, directit hir Letteris commanding all and sindrie Archbischoppis, Bischoppis, Abbottis, [Commendatouris,] Priouris, Deanis, Archdeanis, [Subdeanis, Chantouris, Subchantouris,][717] Personis, Vicaris, and[718] all utheris beneficit men, thair factouris, fermoraris, and takkismen, to compeir befoir hir Hienes and Lordis foirsaidis, at Edinburgh, or whair it shall happin thame to be for the tyme, sa many as dwellis upoun this syde of the Month, the xxiiij day of Januar instant; and thame that dwellis beyond the Month, the tent day of Februar nixttocum; that the just availl of thair Benefices may be knawin, sua that thairafter hir Grace mycht tack ordour for the susteanyng of the Ministeris, of the Pure,[719] and publict busynes of the Realme: And becaus the Quenis Majestie is presentlie occupyed in other effairis, and may nocht attend hir self upoun the ressait of the saidis Rentallis, Thairfoir hir Hienes hes gevin and granted, and be thir presentis gevis and grantis, full power and commissioun to Maister James Makgill of Rankeillour Neather Clerk of Registre, Schir Johne Bellenden of Achinowle knycht Justice Clerk, Thesaurar, Secretare, Advocat, and Laird of Pittarrow,[720] To call befoir thame within the burgh of Edinburgh, All and sindrie Prelattis and Beneficit men, quha are charged be vertew of the saidis letteris, and now being in Edinburgh, or that heirafter shall happin to repair thairto, thair factouris and fermoraris, and thar inquyre of thame the Rentallis of thair benefices, and resave the samyn fra thame, to the effect foirsaid: And siclyke that the saidis Commissionaris caus warne all Superintendentis, [Ministeris,][721] Eldaris, and Deaconis, to geve unto thame the names of the haill Ministeris of this Realme, that the just calculatioun being considdered and maid be the saidis Commissionaris, of the availl of the saidis Benefices, thai may reporte the samyn to the Quenis Majestie, that hir Hienes may tak ordour thairin; according to the [just][722] tennour of the first Ordinance maid thairupon. [717] The words enclosed within brackets are omitted in the Register. [718] In MS. G, the words after "Abbottis," are omitted, and "&c." added. [719] In Knox it is, "the Ministerie of the Kirk." [720] These officials, who are not named, were Mr. Robert Richardson, Prior of St. Mary's Isle, Treasurer; William Maitland, Younger of Lethington, Secretary; Mr. John Spens of Condie, Queen's Advocate, and Sir John Wishart of Pittarrow, Comptroller. [721] Omitted in the Register. [722] Omitted in the Register. APUD EDINBURGH, XIJ^O FEBRUARIJ, ANNO &C. LXJ^O. [SEDERUNT.