Robertus Cecil, Comes Sarisburiensis, summus et regis Secretarius, et Angliæ thesaurarius, clariss' patris et de repub. meritissimi filius, in paterna munera successor longe dignissimus; Henricus, comes Northamptoniæ, quinq. portuum præfectus et privati sigilli custos, disertorum litteratissimus, litteratorum disertissimus; Carolus comes Nottingamiæ, magnus Angliæ admirallus victoriosus; Thomas Suffolciæ comes, regis camerarius splendidissimus, tres viri nobilissimi ex antiqua Howardorum familia, ducumq. Norfolciæ prosapia; Edwardus Somersetus, comes Wigorniæ, equis regiis præfectus ornatissimus; Carolus Blunt, comes Devoniæ, Hyberniæ prorex et pacificator, Joannes Areskinus,[466] illustris Marriæ comes, præcipuarum in Scotia arcium præfectus; Georgius Humius, Dunbari comes, Scotiæ thesaurarius prudentiss' omnes illustriss' ordinis garteri milites; Joannes Popham, miles, justiciarius Angliæ capitalis, et justitiæ consultissimus: Hi omnes illustrissimi viri, quorum nomina ad sempiternam eorum memoriam posteritati consecrandam proxime supra ad lineam posita sunt, ut regi a consiliis, ita ab eo delegati quæsitores, reis singulis incredibili diligentia ac cura sæpius appellatis, nec minore solertia et dexteritate pertentatis eorum animis, eos suis ipsorum inter se collatis responsionibus convictos, ad voluntariam confessionem adegerunt: et latentem nefarie conjurationis seriem, remq. omnem ut hactenus gesta et porro per eos gerenda esset, summa fide erutam, æterna cum laude sua, in lucem produxerunt, adeo ut divina singulari providentia effectum sit, ut tam præsens, tamq. f[oe]da tempestas, a regia majestate, liberisq. regiis, et omni regno depulsa, in ipsos autores eorumq. socios redundarit. III. Conjuratorum Nomina, ad perpetuam ipsorum infamiam et tantæ diritatis detestationem sempiternam. Thomas Winter Thomas Percy Robert Winter Robert Catesby _Monachi_ { Henry Garnet John Winter John Wright _salutare_ { John Gerrard Guy Fawkes Christopher Wright _Jesu_ { Oswald Tesmond Thomas Bates Francis Tresham _nom[=e]_ { Ham[=o] Everard Digby, K. Thomas Abbington _ementiti_ { Baldw[=i] Am' Rookewood Edmond Baineham, K. John Graunt William Stanley, K. Robert Keyes Hughe Owen. Henry Morg[=a] IV.