"Sacrifice her happiness!" interrupted the old man; "hoo daur ye speak o' happiness, wha kens nae meanin' for the word but the vain pleasures o' this sinfu' warld! Think ye that, as a faither, an' as ane that has my offspring to answer for, that I daur sacrifice the eternal happiness o' my bairn, for the gratification o' a temporary feelin' which ye encourage the day and may extinguish the morn? Na, sir; they wha wad ken what true happiness is, maun first learn to crucify human passions. Mary," added he, sternly, turning to his daughter, "repeat the fifth commandment." She had been weeping before, and she now wept aloud. "Repeat it!" replied her father yet more sternly. "Honour thy father and thy mother," added she, sobbing as she spoke. "See, then, bairn," replied her father, "that ye remember that commandment in yer heart, as weel as on yer tongue. Remember, too, that o' a' the commands, it's the only ane to which a promise is attached; and, noo, mark what I say, an', as ye wadna disobey me, see, at yer peril, that ye ne'er permit this young man to speak to ye again, save only as a brither." "Sir," said Philip, "we have grown up together like twin tendrils on the same vine, and can ye wonder that our hearts have become entwined round each other, or that they can tear asunder because ye command it! Or, could I look on the face of an angel"---- "Out on ye, blasphemer!" interrupted the Covenanter--"wad ye apply siccan epithets to a bairn o' mine? Once for all, hear me, Philip; there are but twa ways o't, and ye can tak yer choice. It's the first time I hae spoken to ye roughly, but it isna the first time my spirit has mourned ower ye. I hae tried to lead ye in the right path; ye hae had baith precept and example afore ye; but the leaven o' this warld--the leaven o' the persecutors o' the Kirk and the Covenant--was in yer very bluid; an' I believe, if opportunity had offered, ye wad hae drawn yer sword in the unholy cause. A' that I could say, an' a' that I could do, religion has ne'er had ony place in yer heart; but ye hae yearned aboot yer faither, and ye hae mourned aboot yer mother--an' that was natural aneugh--but oh! ye hae also desired to cling to the cauld formality o' Episcopacy, as they nae doot did: an' should ye e'er discover that yer parents hae been Papists, I believe that ye wad become ane too! An' aften, when the conversation turned upon the apostate Montrose, or the gallant Lesly, I hae seen ye manifest the spirit an' the very look o' a persecutor. Were I to gie up my dochter to such a man, I should be worse than the heathen wha sacrifice their offspring to the abomination o' idols. Noo, Philip, as I hae tauld ye, there are but twa ways o't. Either this very hour gie me your solemn promise that ye will think o' Mary as to be yer wife nae mair, or, wi' the risin' o' to-morrow's sun, leave this house for ever!"