"The self-destroyer has nae richt to expect a better place." (Groans.) "A' is dark and dismal--a thousand times mair sae than what my fancy ever pictured upon earth. But there will be licht sune, ay, and scorchin fires, and a' the ither terrors o' the place whar the wicked receive the reward o' their sins. If I had again the days to begin, which, when in the body, I spent sae fruitlessly and sinfully, hoo wad I be benefited by this sicht o' the very entrance to the regions o' the miserable? and yet does not the great Author o' guid strive, wi' a never-wearyin energy, by dreams and visions, and revelations and thoughts, which vain man tries to measure and value by the gauge o' his insignificant reason, to show him what I now see, and turn him to the practice o' a better life. This is a narrow pit--there is neither room for the voice o' lamentation, nor for the struggle o' the restless limbs o' the miserable; the light, and the air, and the space, and the view o' the blue heavens, and the fair earth, which mak men proud, as if they were proprietors o' the upper world, and sinfu, as if its joys were made for them, are vanished, and a narrow cell, nae bigger than my body, wi' nae air, nae licht, nae warmth--cauld, dark, lonely, and dismal--is the last and eternal place appointed for the wicked." (Groans.) "On earth men, though sinners, hae the companionship o' men; here my only companion is a gnawin conscience, the true fire o' the lower pit, and a thousand times waur than a' the imagined flames which haunt the minds o' the doers o' evil."