As soon as Carey had delivered his message, he conceived he had thrown off the servitude imposed upon him by his mother, who considered him of no other use than to carry a verbal communication to the village. Entertaining a very different opinion of Carey's powers, John Monilaws told him of the strange conduct of Cubby Grindstane, (whom he also well knew, as indeed every person in the neighbourhood,) in endeavouring to conceal the illness of his daughter, who was the individual to be recommended to his mother as a servant. Carey confessed he thought the conduct of Cubby very suspicious, and, with a knowing look, hinted that it had been long his intention to endeavour to ascertain something more of the old cobbler than the people of Newabbey yet knew. "It is just you callants," said John, "wha are best at thae things. When I was like ye, there wasna a house-tap in a' Newabbey I didna ken as weel as the sparrows that biggit their nests in them. There are queerer sights seen i' the warld, by lookin _down_ than by lookin _up_, for a that astronomers may say on the subject. It was I that discovered Marion Muschet killin her new-born bairn wi' a pack-thread. I saw her through her ain skylicht; an', though I had nae power to speak, I had plenty o' pith i' my legs; but, fule that I was, I forgot that, lang afore I could get assistance, the pack-thread wad hae dune its wark. Sae it was--the face o' the bairn was as blue as my bannet, when, by my means, it was discovered." "An' muckle ye got for yer sky-larkin," said Mrs Monilaws. "Ye hanged the puir woman, an' got the name o' Skylicht Johnnie, whilk ye hae carried about wi' ye ever since, and will do till the day ye dee." "Ay, Marion," answered the good-natured husband, "I hae taen nane o' thae flights sin' I married ye. Ye keep me weel down. I suffered weel i' my young days for lookin down; but I fear I wad suffer mair noo for lookin up. But the deil's no buried i' Kirkaldy, if I wadna hae a blink through Cubby Grindstane's skylicht, were my legs as soople as Mr Carey Cuthbert's there, an' I had nae wife on my back." Carey looked and smiled, and said nothing; but his mind was not so inactive as his tongue. "Ye wad be nearer yer purpose, John," said Marion, "if ye wad tak wi' ye our neebor, John Willison, a godly elder o' the kirk, and gae bauldly in at the door. John will tak wi' him prayers, an' ye some o' my jellies. I never kenned ony guid come by a skylicht--except, maybe, Widow Gairdner's; wha was sittin ae nicht, thinkin whar she wad get her supper; an', as she thought, an' thought, an' was nae better or fu'er for thinkin, a man fell frae the roof at her feet, an', throwing frae him sixteen gowd guineas wi' pure fear, flew out at the door as if Beelzebub an' a' his angels had been after him. Widow Gairdner got her supper that nicht. Naebody ever asked for the guineas; but it was weel kenned frae whase hoose they were stown."