"Be not afeared--be not afeared, honest Christian women. I am a poor, pursued, persecuted bird, flying into your hut from the claws of the kite. I have neither slept nor broken bread for these three days and three nights; but, now that the moon has waned, I have ventured down, in the dark, to beg a morsel of meal and water, a night's shelter, and a few hours' rest. My name is Thomas Harkness of Lockerben, where my forbears have lived for these three hundred years bygane; and it's e'en a richt sair case that, wi' thae grey hairs and wrinkles, I should be compelled to sleep wi' the peaseweep, and to sup wi' the fox on the mountain fell." "Indeed, and sae it is," responded Marion; "and welcome, thrice welcome, I trow, are ye, or ony o' the name and the lineage o' the Harknesses, to puir Marion Morrison's best; and, oh, that it was better, for your sake! Ye hae forgotten the bit whilking lassie, nae doubt, that drave oot yer worthy faither's stirks to the calf-park and back again, that helpit the mistress wi' the bairns, and whiles scrapit potatoes, and sic like. Weel, that bit young, thoughtless cummer, is now the auld, decrepit body--bonny May, as yer mother used to ca' me, is now auld Marion, wham the folks hereabout deeply suspect o' witchcraft, and I kenna what ither craft, I'm turned sae unwarl and pookit-like. But, May, my bairn, the guid man's sleeping wi' downright fatigue. Get on the pot; there's a wee pickle barley in the auld barrel, and there's a bit o' the meat that I was keeping for our Sabbath meal; but the Lord is a rich provider, and we winna want; sae just put in the bit meat wi' the barley, and get broth and mutton for my auld master's son. The mashlom bannock is amang the meal, in the kist. Bring it oot, wi' a bit saut butter, in the meantime; for oh, sirs! hunger's ill to bide. But, dear, and be wi' me! if the guidman bena as sound as a tap! It wad be a'maist a pity to waken him, till the broth pot be fairly set a poppling at least."