quelle estoient le Counte Dangeo et le Mareschal de Clermount od g'nt poair des gentz. Et a n're dep'tir d'illeoqs no' p'ismes le chemyn p' passer ascuns daung' des eawes et en entente davoir encountree ovesqe n're tres ch' cosyn le ducs de Lancastre de qi no' aviens certeins novelles qil se voillent afforcier de trere dev's nous a quelle heure le Cardenal de Peregort vynt a nous a Monbezon a troiz lieues de Tours ou il no' p'la tout plein des choses touchauntes trewes et pees s^{r} quele p'lance no' lui fesoiens respounse qe la pees ne avient poair a ffaire ne qe nous ent voloiens meller saunz le comaundement et le volunte de n're tresch' S^{r} et piere le Roi ne de trewe nestoiens al heure avisez qe se eust estee le meillo' p' no^{q} de y avoir acordee car illeosqes estoiens non plus plenement c'tifiez qe le Roi se tailla p' toutes voies de combatre ove nous si q' nous no' treismes dilleoqes v's chastel Heraud sur le passage del eawe de la Vivane ou no' desmourasmes quatre iors ettendauntz de savoir plus la c'tein de lui le quel Roi vint od son poair a chaveny a cynk lues de nous p' passer mesme lewe v's Poyters et s^{r} ceo p'ismes p'pos de hastier dev's lui s^{r} le chemyn qil devereit passer p' estre combatuz ove lui mes ses batailles estoient passeez devant qe no' estoions venuz au lieu ou nous entendismes de lui avoir encountree hors pris p'tie des gentz de lour entour sept centz homes darmes qe se combatirent od les n'tres ou estoient p's le countes de Soussoire et de Junhy le S^{r} de Chastillion et tout plein dautres pris et mortz p'ties de lour et des n'res et puis les p'suievrent noz gentz tanq' a Chaveny bien a treis lieus loyns p'quoi il nous convienoit logger cel jour a plus pres de celle place qe nous poiens p' recoiller noz gentz et lendemeyn p'ismes n're chemyn tout droit dev's le Roi et mandasmes noz descov'res qe troverent lui od son poair p'st bataille es champs a une lue de Peiters et alasmes a plus p's de lui qe nos poiams p'ndre n're places et nous mesmes a pie et en arraie de bataille et p'st de combatre ove lui ou vynt le dit Cardinal requerraunt molt entierment p' une pettit suff'nce issint qe home purroit faire parler dasemble c'teins gentz des p'ties en atente d'acord et de bone pees quelle chose il emp'st qil amereit a bon fey sur quoi nous p'ismes avis et lui otreiasmes sa requeste sur quoi furent ordeyner c'teins gentz dune p't e d'autre a tretir sur celle matirs lequel trete ne p'st nul exploit Et adonqes volleit le dit Cardinal avoir purchace une trewe en destourbaunce de la bataille a son gree a quel treve ne voilloit assentir Et demaunderent les Fraunceys c'teins chivalers d'une p't et d'autre p' prendre owelle place issint qe la bataille ne se purroit en nulle man'e failler et en tieu man'e estoit cel jour delaiee et demourerent les batailles d'une p't et d'autre tote noet chescun en lour place et tanqe le demein entour un prime et p' ascuns forces qe estoient p'