entre les ditz batailles nul ne voloit a autre taunte davauntage demp'ndre a venir l'un sur l'autre Et p' defaute des vitailles si bien p' aut's enchessons acorde estoit qe nous deveriens prendre n're chemyn encosteant p' devant eux en tieu man'e q' s'ils voilont la bataille ou trere dev's nous en lieu q' nestoit mye tres graundment a n're desavauntage qe nous le preindreins et ensint estoit fait s^{r} quoi le bataille se prist la surveile de seint Matheu et loiez ent soit dieux les enemys estoient desconfitz et pris le Roi et son fitz et tot plein des aut's g'ntz pris et mortz si come n're Tresch' ame bach'r Mons^{r} Neel Loereng n're chaumberlein port^{r} de cestes qu ent ad assetz pleine conisance vous sav'a plus pleinement dire a monstre come nous ne vous purroins escrire A qi voilletz pleine foi et credence doner Et n're seign^{r} vuis voille garder Donnez souz n're secre seal a Burdeux le xxij jour d'Octobr'. LETTER FROM THE BLACK PRINCE TO THE BISHOP OF WORCESTER, DATED 20TH OCTOBER 1356, RELATING TO THE BATTLE OF POITIERS, WHEREIN THE FRENCH KING WAS MADE PRISONER, &C. EX REGISTRO REGINALDI BRIEN WIGORN. EPISCOPI. FOL. 113. COMMUNICATED TO THE SOCIETY OF ANTIQUARIES BY DR. LYTTELTON, DEAN OF EXETER. [_Archæologia, Vol._ I. _No._ XLIV. _p._ 213.] L'RA D'NI PRINCIPIS WALL' DE CAPCIONE R. FRANCIÆ PAR LE PRINCE DE GALES. Reve'nt piere en Dieu, et tresch' ami. Nous vous mercions entierement de ce que nous avons entendu q' vous estes si bien et si naturelment porte dev's nous, en p'ant Dieux p'r nous et p'r n're exploit; et sumes tout certiens q' p'r cause de vous devoutes p'eres et dautres, Dieu nous a en toutes nos besoignes be' vueliz aide; de quoi nous sumes a touz jo's tenuz de lui grazier, en p'ant que v're part ancy vieullietz faire en continuant dev's nous come devant ces heures avetz fait, de quoi nous nous tenons g'n'ment tenuz a vous. Et, rev'ent piere, endroit de n're estat, dont nous penceons bien q' vous desirez la v're merci doier bones nouvelles, vuellietz entendre q' a la faisance de cestes estions sains et heures et tout en bon point, loiez en soit Dieux q' nous donit y ces mesmes de vous toutes soitz oir et saver, et de ce nous vueilletz certifier p'r vos l'res et p' les entrevenantz a plus souvent q' vous p'res bonement en droit de nouvelles ceandroitz. Vueilletz savoir q' la veille de la translation Saint Thomas de Canterbire, nouz commenceasmes a chivauch' ove n're povar v's les parties de France et souvraignement p' cause q' nous entendismes la venue de n're treshonn'e seign'r et piere le Roy la endroit, et si neismes dev's les parties de Burges en Berye, Orlions, et Tours, et avions nouvelles q' le Roy de France ove g'nt povar bien pres de celles marches venoit p' combattre ove no's, et approcheasmes tant q' la battaille se prist entre nous en tiele maniere q' les ennemis estoient disconfitez, grace en soit Dieux, et le dit Roi et son fils et plusiers autres g'ntz pris et mortz, les noms de queaux