In this yere of oure lord a m^{l}'ccij, there fallen grete reynes, and hailstones as gret as an ey medlyd with reyn, where thorugh trees, vines, cornes, al manner frutes were moche distroied; and the peple were sore abaysshed, for there were seyn foules fleynge in the eyre berynge in there billes brennyng coles, whiche brenden manye houses. And in this yere Engelond and Walys were enterdited, and stood so vj yere and more, for the kynges trespas. TEMPORE REG' JOH'IS. [1203-1208.] [Custodes.]--Wat' Broune. Anno quinto. Will'm' Chamb'leyne. [Sidenote: A quart' of whete at xxv _s._] In this yere of oure lord a m^{l}'cciij a quarter of whete was worth xxv _s._, and a cistern of wyn was worth iiij _s._ [Custodes.]--Thomas Hav'yll. Anno sexto. Hamo Bonde. [Sidenote: In this yere were too mones seyn. Frere P'chours ordre began. A gret wynt' and long durynge.] In this yere were seyn at oones too fulle mones in the firmament. And in this yere of oure lord a m^{l}'cciiij began the ordre of Frere P'chours, in the cuntre of Tholomeis, undir duke Domynyk. Also in this yere was a strong wynter and an hard, fro the circumcisione of oure lord til the annunciation of oure lady. [Custodes.]--John Walg've. Anno vij. Ric' Wynchestre. [Sidenote: The plees of the crowne were pletyd in the tour.] This same yere the plees of the coroune were pleted in the tour of London, and Hugh of Cisell was drawe and hanged. [Custodes.]--John Holylond. Anno viij. Edward Fitz Gerard. Rog' de Wynchestre. Anno ix. Edmond Hardell. This yere the enterdytynge of the reaume was new proclamed thorugh out Engelond. Also in this yere was born Herry the kynges sone; and in this yere the kyng wan Irlond. TEMPORE REG' JOH'IS. [1208-1214.] Henr' Fitz Aldewyne, Petrus Duke. Anno x^{o}. P'mus maior. Thom' Neell. [Sidenote: P'm's maior. Sent Mary Overy was begonne.] In this yere was the firste maire of London; and seynt Marie Overeye was that yere begonne. Id'm maior. Petrus Josne. Anno xi^{o}. Will'm' Elande. [Sidenote: The cessyng of the enterdytyng of this land. London brigge was first begonne to make.] In this same yere the land was reconsyled, and the enterdytyng cesed: and in this yere the stone brigge of Londone was first begonne to make. Id'm maior. Adam Whateley. Anno xii^{o}. Stephen le Grace. In this yere an eretyk was brent for eresye, the whiche be craft quenchyd ofte the fire. Id'm maior. Joys Fitz Piers. Anno xiij^{mo}. John Gerland. [Sidenote: A gret parte of London was brent.]