Li cuens Amiles un petit s'atarja, vers les anfans pas por pas en ala, dormans les treuve, moult par les resgarda, s'espee lieve, ocirre les voldra; mais de ferir un petit se tarja. li ainznes freres de l'effroi s'esveilla que li cuens mainne qui en la chambre entra, l'anfes se torne, son pere ravisa, s'espee voit, moult grant paor en a, son pere apelle, si l'en arraisonna: 'biax sire peres, por deu qui tout forma, que volez faire? nel me celez vos ja. ainz mais nus peres tel chose ne pensa.' 'biaux sire fiuls, ocirre vos voil ja et le tien frere qui delez toi esta; car mes compains Amis qui moult m'ama, dou sanc de vos li siens cors garistra, que gietez est dou siecle.' 'Biax tres douz peres,' dist l'anfes erramment, 'quant vos compains avra garissement, se de nos sans a sor soi lavement, nos sommes vostre de vostre engenrement, faire en poez del tout a vo talent. or nos copez les chies isnellement; car dex de glorie nos avra en present, en paradis en irommes chantant et proierommes Jhesu cui tout apent que dou pechie vos face tensement, vos et Ami, vostre compaingnon gent; mais nostre mere, la bele Belissant, nos saluez por deu omnipotent.' li cuens l'oit, moult grans pities l'en prent que touz pasmez a la terre s'estent. quant se redresce, si reprinst hardement. or orroiz ja merveilles, bonne gent, que tex n'oistes en tout vostre vivant. li cuens Amiles vint vers le lit esrant, hauce l'espee, li fiuls le col estent. or est merveilles se li cuers ne li ment. la teste cope li peres son anfant, le sanc reciut et cler bacin d'argent: a poi ne chiet a terre. No sooner has the blood touched Amis than he is cured, and the knights solemnly visit the church where Bellicent and the people are assembled. The story is told and the mother, in despair, rushes to the chamber where her dead children are lying. But she finds them living and in full health, for a miracle has been wrought to reward the faithfulness of the friends now that suffering has purged them of their sin.