"Donal Elshioner's was a very seemilar case," broke in Snecky Hobart, shrilly. "Maist o' ye'll mind 'at Donal was michty plague't wi' a drucken wife. Ay, weel, wan day Bowie's man was carryin' a coffin past Donal's door, and Donal an' the wife was there. Says Donal, 'Put doon yer coffin, my man, an' tell's wha it's for.' The laddie rests the coffin on its end, an' says he, 'It's for Davie Fairbrother's guid-wife.' 'Ay, then,' says Donal, 'tak it awa', tak it awa' to Davie, an' tell 'im as ye kin a man wi' a wife 'at wid be glad to neifer (exchange) wi' him.' Man, that terrified Donal's wife; it did so." As we delved up the twisting road between two fields, that leads to the farm of Little Rathie, the talk became less general, and another mourner who joined us there was told that the farmer was gone. "We must all fade as a leaf," said Lang Tammas. "So we maun, so we maun," admitted the newcomer. "They say," he added, solemnly, "as Little Rathie has left a full teapot." The reference was to the safe in which the old people in the district stored their gains. "He was thrifty," said Tammas Haggart, "an' shrewd, too, was Little Rathie. I mind Mr. Dishart admonishin' him for no attendin' a special weather service i' the kirk, when Finny an' Lintool, the twa adjoinin' farmers, baith attendit. 'Ou,' says Little Rathie, 'I thocht to mysel, thinks I, if they get rain for prayin' for't on Finny an' Lintool, we're bound to get the benefit o't on Little Rathie.'" "Tod," said Snecky, "there's some sense in that; an' what says the minister?" "I d'na kin what he said," admitted Haggart; "but he took Little Rathie up to the manse, an' if ever I saw a man lookin' sma', it was Little Rathie when he cam oot."