When I found George wrapped in his plaid beside the brier bush whose roses were no whiter than his cheeks, Kirsty was already installed as comforter in the parlour, and her drone came through the open window. "Ay, ay, Marget, sae it's come to this. Weel, we daurna complain, ye ken. Be thankfu' ye haena lost your man and five sons, besides twa sisters and a brither, no to mention cousins. That wud be something to speak aboot, and Losh keep's, there's nae saying but he micht hang on a whilie. Ay, ay, it's a sair blow aifter a' that wes in the papers. I wes feared when I heard o' the papers; 'Lat weel alane,' says I to the Dominie; 'ye 'ill bring a judgment on the laddie wi' yir blawing.' But ye micht as weel hae spoken to the hills. Domsie's a thraun body at the best, and he was clean infatuat' wi' George. Ay, ay, it's an awfu' lesson, Marget, no to mak' idols o' our bairns, for that's naethin' else than provokin' the Almichty." It was at this point that Marget gave way and scandalized Drumtochty, which held that obtrusive prosperity was an irresistible provocation to the higher powers, and that a skilful depreciation of our children was a policy of safety. "Did ye say the Almichty? I'm thinkin' that's ower grand a name for your God, Kirsty. What wud ye think o' a faither that brocht hame some bonnie thing frae the fair for ane o' his bairns, and when the puir bairn wes pleased wi' it tore it oot o' his hand and flung it into the fire? Eh, woman, he wud be a meeserable cankered jealous body. Kirsty, wumman, when the Almichty sees a mither bound up in her laddie, I tell ye He is sair pleased in His heaven, for mind ye hoo He loved His ain Son. Besides, a'm judgin' that nane o' us can love anither withoot lovin' Him, or hurt anither withoot hurtin' Him. "Oh, I ken weel that George is gaein' to leave us; but it's no because the Almichty is jealous o' him or me, no likely. It cam' to me last nicht that He needs my laddie for some grand wark in the ither world, and that's hoo George has his bukes brocht oot tae the garden and studies a' the day. He wants to be ready for his kingdom, just as he trachled in the bit schule o' Drumtochty for Edinboro'. I hoped he wud hae been a minister o' Christ's Gospel here, but he 'ill be judge over many cities yonder. A'm no denyin', Kirsty, that it's a trial, but I hae licht on it, and naethin' but gude thochts o' the Almichty." Drumtochty understood that Kirsty had dealt faithfully with Marget for pride and presumption, but all we heard was, "Losh keep us a'." When Marget came out and sat down beside her son, her face was shining. Then she saw the open window. "I didna ken." "Never mind, mither, there's nae secrets atween us, and it gar'd my heart leap to hear ye speak up like yon for God, and to know yir content. Div ye mind the nicht I called for ye, mother, and ye gave me the Gospel aboot God?"