Item comanda misier lo capetanio che sel fose descouerto più fusti e lui terminase andare a queli jn quela fiada el farà leuar el sò stendardo d'oro cum la so arma al fanò a pope, et de presente tute le Galie se debia redure appreso lui, é andare à se soe poste, e faza dar arme in couerta, et ordene le sue pauexade à proua segondo uxantia, et lo resto de pauixi sia per imbrazar et andar per couerta, et per suso le pertegete sia meso schiauine segondo usanza et à la prima trombeta zascadun se debia armar, à la segonda leuar l' Insegna de San Marco et rinfrescarti i corpi. A la terza quando serà leuado à meza Galia el standardo quadro con la Insegna del nostro signor Jesu Christo all' hora ognun uada arditamente et come buon' ordene che una galia non impaci l' altra à inuestir i diti navilij ouer fuste e non se desparta dalla battaia fina 1' ultima sconfita. Et perche molte fiade ocore che le Galie se separa una dall' altra, et squarase da misier lo capetanio, però lè de necesità dar ordene ò segno per el qual posa recognoserse dalle nostre Galie, una dall' altra si de zorno come de note come è dito qui de soto. Se alguna Galia se smarirà de miser lo capetanio per poterla recognoser, sel sarà de zorno miser lo capetanio farà un fumo à prua, et uezando questo segno la Galia che sarà squarada, responda per si fato segno et poi farà leuar una bandera a pope a cauo de banda destra, et per el simel lui debba responder, et poi lui farà leuare una bandiera quara à prua à ladi senestro, et per el simel quela Galia debia responder, et poi lui farà leuar una bandiera quara à prua et per el simel questa Galia debia responder, e farà i diti segni, miser lo capitanio farà leuar l' Insegna di Misier San Marco, et cosi debia responder la dita Galia e sia ben prouezuda à non se acostar, sel nò cognosese bene i deti segni. Item zonzandò m^r lo cap^o in algun liogo...non uoiando che algun sopracomito faci butar i sò copani in acqua fara butar el suo e leuerà la soa bandera de uento, à cao de banda. E in questo caso algun no dieba butar lo suo, fia la deta bandiera sarà alzada, mà mouesta sara quela cadaun posi butar soto quela pena à lui parerà. Item quando m^r lo capitanio uorà, che tuti i soracomiti uegna à lui, el farà meter la so bandiera da uento in pope à la scaza inuerso prua, alora debia uegnir da lui, perche altrimenti bisognaraue mandar per cadaun.