Ther was also a Nonne, a PRIORESSE, That of hire smylyng was ful symple and coy; her Hire grettest ooth[46] ne was but by seynt Loy, oath And sche was cleped madame Eglentyne. called Ful wel sche sang the servíse devyne, Entuned in hire nose[47] ful semyly, seemly And Frensch sche spak ful faire and fetysly, elegantly Aftur the scole of Stratford atte Bowe, school For Frensch of Parys was to hire unknowe. her unknown At mete wel i-taught was sche withalle; meat, taught Sche leet no morsel from hire lippes falle, let Ne wette hire fyngres in hire sauce deepe.[48] wetted Wel cowde sche carie a morsel, and wel keepe, carry That no drope ne fil uppon hire breste. fell In curtesie was sett al hire leste. courtesy, pleasure Hire overlippe wypude sche so clene,[49] That in hire cuppe ther was no ferthing sene scrap Of grees, whan sche dronken hadde hire draught. had drunk Ful semely aftur hire mete sche raught. seemly And sikurly sche was of gret disport, assuredly And ful plesant, and amyable of port, And peyned hire to counterfete cheere ways Of court, and ben estatlich of manere, stately, manner And to ben holden digne of reverence. worthy But for to speken of hire conscience, speak Sche was so charitable and so pitous[50] Sche wolde weepe if that sche sawe a mous Caught in a trappe, if it were deed or bledde. Of smale houndes hadde sche, that sche fedde small hounds With rostud fleissh, and mylk, and wastel breed.[51] But sore wepte sche if oon of hem were deed, them Or if men smot it with a yerde smerte: rod And al was conscience and tendre herte. Ful semely hire wymple[52] i-pynched was: Hire nose tretys: hire eyen grey as glas: well-proportioned, eyes, glass Hire mouth ful smal, and therto softe and reed; But sikurly sche hadde a faire forheed. surely It was almost a spanne brood, I trowe: broad, think For hardily sche was not undurgrowe. certainly, undergrown Ful fetys was hire cloke, as I was waar. neat Of smal coral aboute hire arme sche baar small A peire of bedes[53] gaudid al with grene; set of beads And theron heng a broch of gold ful schene, jewel, bright On which was first i-writen a crowned A, written And after that, _Amor vincit omnia_.[54]