This Palamon answerde hastily, And seyde: Sire, what nedeth wordes mo? need We han the deth deserved bothe tuo. two Tuo woful wrecches ben we, tuo kaytyves wretches, captives That ben encombred of oure owne lyves, encumbered by And as thou art a rightful lord and juge Ne yeve us neyther mercy ne refuge. give us not And sle me first, for seynte charite; holy But sle my felaw eek as wel as me. also Or sle him first; for, though thou know him lyte, little This is thy mortal fo, this is Arcite, That fro thy lond is banyscht on his heed For which he hath i-served to be deed. deserved For this is he that come to thi gate And seyde, that he highte Philostrate. was named Thus hath he japed the ful many a yer, befooled And thou hast maad of him thy cheef squyer. made And this is he that loveth Emelye. For sith the day is come that I schal dye, I make pleynly my confessioun, That I am thilke woful Palamoun, that That hath thy prisoun broke wikkedly. wickedly I am thy mortal foo, and it am I That loveth so hoote Emelye the brighte, That I wol dye present in hire sighte. Therfore I aske deeth and my juwyse; sentence But slee my felaw in the same wyse, slay For bothe we have served to be slayn. This worthy duk answerde anon agayn, And seyde: This is a schort conclusioun: Your owne mouth, by your confessioun, own Hath dampned you bothe, and I wil it recorde. condemned It needeth nought to pyne yow with the corde.[95] Ye schul be deed by mighty Mars the reede! dead