[Sidenote: [* fol. 7 _b_.]] þou nart *nat put out of it. but þou hast 556 fayled of þi weye {and} gon amys. [Sidenote: She speaks to him of his country.] ¶ and yif þou hast leuer forto wene þan þou be put out of þi contre. þan hast þou put oute þi self raþer þen ony oþer wyȝt haþ. [Linenotes: 550 _broken_--borken 552 _wist[e]_--wyste 553 _on-one_--anon 554 _wist[e]_--wyste _fer_--ferr{e} 555 _ne hadde_--nadde 557 _gon_--MS. gone, C. gon 558 _leuer_--leuer{e} 558, 559 _put_--MS. putte, C. put 559 _haþ_--MS. haþe] [Headnote: AND PROPOSES TO ADMINISTER REMEDIES.] ¶ For no wyȝt but þi self ne myȝt[e] neuer haue don 560 þat to þe. [[pg 24]] [Sidenote: She reminds him that he is a citizen of a country not governed by a giddy multitude, but εἷς κοίρανός ἐστιν, εἷς βασιλεύς.] ¶ For ȝif þou remembre of what contre þou art born. it nis not gou{er}ned by emp{er}oures. ne by gouernement of multitude. as weren þe contres of hem of athenes. ¶ But o lorde {and} o kyng {and} þat is god 564 þat is lorde of þi contree. whiche þat reioiseþ hym of þe dwellyng of hys Citeȝenis. {and} not forto putte hem in exile. Of þe whiche lorde it is a souerayne fredom to be gouerned by þe bridel of hym and obeie to his 568 iustice. [Sidenote: The Commonwealth of Boethius.] ¶ Hast þou forȝeten þilke ryȝt olde lawe of þi Citee. in þe whiche Citee it is ordeyned {and} establissed þat what wyȝt þat haþ leuer founden þer i{n}ne hys sete or hys house. þen ellys where: he may not be exiled 572 by no ryȝt fro þat place. ¶ For who so þat is co{n}tened in-wiþ þe paleis [{and} the clos] of þilke Citee. þer nis no drede þat he may deserue to ben exiled. ¶ But who þat letteþ þe wille forto enhabit[e] þere. he forleteþ 576 also to deserue to ben Citeȝein of þilke Citee. [Sidenote: Philosophy says she is moved more by the looks of Boethius than by his gloomy prison.] ¶ So þat I seye þat þe face of þis place ne amoeueþ me nat so myche as þine owen face. Ne .I. ne axe not raþer þe walles of þi librarie apparailled {and} wrouȝt 580 wiþ yvory {and} wiþ glas þan after þe sete of þi þouȝt. [Sidenote: Books are to be valued on account of the _thoughts_ they contain.] In whiche I putte nat somtyme bookes. but .I. putte þat þat makeþ bookes worþi of p{ri}s or p{re}cious þat is to sein þe sentence of my books. ¶ {And} certeinly of 584 þi dec{er}tes by-stowed in co{m}mune good. þou hast seid soþe but after þe multitude of þi goode dedys. þou hast seid fewe. {and} of þe vnhonestee or falsnesse of þinges þat ben opposed aȝeins þe. þou hast remembred þinges 588 þat be{n} knowe to alle folk.