[Sidenote: A third is blest with both advantages, but is unmarried.] and som ma{n} habundeþ boþe i{n} rychesse {and} noblesse. but ȝit he bywaileþ hys chast[e] lijf. for he haþ no wijf. [[pg 42]] [Sidenote: This man is happy in a wife, but is childless, while that other man has the joy of children, but is mortified by their evil ways.] ¶ and som man is wel {and} selily maried but he haþ no children. {and} norissheþ his 1076 ricchesse to þe heires of straunge folk. ¶ And som man is gladded wiþ children. but he wepiþ ful sory for þe trespas of his son or of his douȝtir. [Sidenote: Thus we see that no man can agree easily with the state of his fortune.] ¶ and for þis þer accordeþ no wyȝt lyȝtly to þe condic{i}ou{n} of his fortune. 1080 for alwey to euery man þere is i{n} mest somwhat þat vnassaieþ he ne wot not or ellys he drediþ þat he haþ assaied. [Sidenote: The senses of the happy are refined and delicate, and they are impatient if anything is untoward.] ¶ {And} adde þis also þat euery weleful man haþ a wel delicat felyng. ¶ So þat but yif alle 1084 þinges fallen at hys owen wille for he inpacient or is nat vsed to han none aduersitee. an-oone he is þrowe adoũne for euery lytel þing. [Sidenote: The happiness of the most fortunate depends on trifles.] ¶ And ful lytel þinges ben þo þat wiþdrawen þe so{m}me or þe p{er}fecc{i}ou{n} of 1088 blisfulnesse fro hem þat ben most fortunat. [Sidenote: How many would think themselves in heaven if they had only a part of the remnant of thy fortune!] ¶ How many men trowest þou wolde demen hem self to ben almost in heuene yif þei myȝten atteyne to þe leest[e] p{ar}tie of þe remenaunt of þi fortune. ¶ Þis same place 1092 þat þou clepist exil is contre to hem þat enhabiten here. [Sidenote: Thy miseries proceed from the thought that thou art miserable.] {and} forþi. Noþing wrecched. but whan þou wenest it [Sidenote: Every lot may be happy to the man who bears his condition with equanimity and courage.] ¶ As who seiþ. þouȝ þi self ne no wyȝt ellys nys no wrecche but whan he weneþ hym self a 1096 wrecche by reputac{i}ou{n} of his corage.