39. Why wilt thou not begge for poore bedred men, that ben 180 poorer than ony of youre secte, that liggen, and mow not go aboute to helpe themselves; sith we be all brethren in god, and that bretherhed passeth ony other that ye or ony man coude make? And where moost nede were, there were moost perfeccion; either els ye holde hem not youre pure brethren, or worse. But 185 than ye be imperfite in your begginge. 40. Why make ye you so many maisters among you; sith it is agaynst the techinge of Christ and his apostels? 41. Whos ben all your riche courtes that ye han, and all your riche jewels; sith ye sayen that ye han nought, in proper ne in 190 comune? If ye sayn they ben the popes, why +geder ye then, of poore men and of lordes, so much out of the kinges honde to make your pope riche? And sith ye sayen that it is greet perfeccion to have nought, in proper ne in comune, why be ye so fast aboute to make the pope (that is your +fader) riche, and putte on him 195 imperfeccion? Sithen ye sayn that your goodes ben all his, and he shulde by reson be the moost perfit man, it semeth openlich that ye ben cursed children, so to sclaunder your +fader, and make him imperfit. And if ye sayn that tho goodes be yours, then do ye ayenst youre rule; and if it be not ayenst your rule, than might 200 ye have both plough and cart, and labour as other good men don, and not so begge to by losengery, and ydell, as ye don. And if ye say that it is more perfeccion to begge than to travaill or worch with youre hand, why preche ye not openly, and teche all men to do so, sith it is the best and moost perfit lyf to helpe of her 205 soules, as ye make children to begge that might have been riche heyres? 42. Why make ye not your festes to poore men, and yeveth hem yeftes, as ye don to the riche; sith poore men han more nede than the riche? 210 43. What betokeneth that ye go tweyne and tweyne +togeder? If ye be out of charitè, ye accorden not in soule. 44. Why begge ye, and take salaries therto, more than other prestes; sith he that moost taketh, most charge he hath? 45. Why holde ye not saynt Fraunces rule and his testament; 215 sith Fraunces saith, that god shewed him this living and this rule? And certes, if it were goddes will, the pope might not fordo it; or els Fraunces was a lyar, that sayde on this wyse. And but this testament that he made accorde with goddes will, els erred he as a lyar that were out of charitè; and as the law 220 sayeth, he is accursed that letteth the rightfull last will of a deed man lacke. And this testament is the last will of Fraunces that is a deed man; it seemeth therefore that all his freres ben cursed.