imperium tanto quaesitum sanguine, tanto 50 servatum, quod mille ducum peperere labores, quod tantis Romana manus contexuit annis, proditor unus iners angusto tempore vertit. Urbs etiam, magnae quae ducitur aemula Romae et Calchedonias contra despectat harenas, 55 iam non finitimo Martis terrore movetur, sed propius lucere faces et rauca sonare cornua vibratisque peti fastigia telis adspicit. hi vigili muros statione tueri, hi iunctis properant portus munire carinis. 60 obsessa tamen ille ferus laetatur in urbe exultatque malis summaeque ex culmine turris impia vicini cernit spectacula campi: vinctas ire nurus, nunc in vada proxima mergi seminecem, hunc subito percussum vulnere labi 65 dum fugit, hunc animam portis efflare sub ipsis; nec canos prodesse seni puerique cruore maternos undare sinus. inmensa voluptas et risus plerumque subit; dolor afficit unus, quod feriat non ipse manu. videt omnia late 70 exceptis incensa suis et crimine tanto luxuriat carumque sibi non abnuit hostem; iactabatque ultro, quod soli castra paterent sermonumque foret vicibus permissa potestas. egregii quotiens exisset foederis auctor, 75 stipatur sociis, circumque armata clientum * * * * * Page 63 even the greatest things! An empire won and kept at the expense of so much bloodshed, born from the toils of countless leaders, knit together through so many years by Roman hands, one coward traitor overthrew in the twinkling of an eye.