“I mean this, mem: that the young man is jist actin’ the pairt o’ Peter an’ John at the bonny gate o’ the temple, whan they said: ‘Such as I have, gie I thee;’ an’ gin’ it be more blessed to gie than to receive, as Sant Paul says ‘at the Maister himsel’ said, the young man ‘ill no be the waur aff in’s ain learnin’, that he impairts o’t to them that hunger for’t.” “Ye mean by this, Dawvid, gin ye could express yersel’ to the pint, ‘at the young man, wha’s ower weel paid to instruck my bairns, neglecks them, an’ lays himsel’ oot upo’ ither fowk’s weans, wha hae no richt to ettle aboon the station in which their Maker pat them.” This was uttered with quite a religious fervour of expostulation; for the lady’s natural indignation at the thought of Meg Elginbrod having lessons from her boys’ tutor, was cowed beneath the quiet steady gaze of the noble-minded peasant father. “He lays himsel’ oot mair upo’ the ither fowk themsels’ than upo’ their weans, mem; though, nae doubt, my Maggy comes in for a gude share. But for negleckin’ o’ his duty to you, mem, I’m sure I kenna hoo that can be; for it was only yestreen ‘at the laird himsel’ said to me, ‘at hoo the bairns had never gotten on naething like it wi’ ony ither body.” “The laird’s ower ready wi’s clavers,” quoth the laird’s wife, nettled to find herself in the wrong, and forgetful of her own and her lord’s dignity at once. “But,” she pursued, “all I can say is, that I consider it verra improper o’ you, wi’ a young lass-bairn, to encourage the nichtly veesits o’ a young gentleman, wha’s sae far aboon her in station, an’ dootless will some day be farther yet.” “Mem!” said David, with dignity, “I’m willin’ no to understan’ what ye mean. My Maggy’s no ane ‘at needs luikin’ efter; an’ a body had need to be carefu’ an’ no interfere wi’ the Lord’s herdin’, for he ca’s himsel’ the Shepherd o’ the sheep, an’ wee! as I loe her I maun lea’ him to lead them wha follow him wherever he goeth. She’ll be no ill guidit, and I’m no gaeing to kep her at ilka turn.” “Weel, weel! that’s yer ain affair, Dawvid, my man,” rejoined Mrs. Glasford, with rising voice and complexion. “A’ ‘at I hae to add is jist this: ‘at as lang as my tutor veesits her”— “He veesits her no more than me, mem,” interposed David; but his mistress went on with dignified disregard of the interruption— “Veesits her, I canna, for the sake o’ my own bairns, an’ the morals o’ my hoosehold, employ her aboot the hoose, as I was in the way o’ doin’ afore. Good mornin’, Dawvid. I’ll speak to the laird himsel’, sin’ ye’ll no heed me.”