[Sidenote: God asks Noah whether all is ready.] “Now Noe,” q{uod} oure lorde, “art þ{o}u al redy? Hatȝ þ{o}u closed þy kyst w{i}t{h} clay alle aboute?” [Sidenote: Noah replies that all is fully prepared.] “Ȝe lorde w{i}t{h} þy leue,” sayde þe lede þe{n}ne, “Al is wroȝt at þi worde, as þ{o}u me wyt lanteȝ.” 348 [Sidenote: He is commanded to enter the ark, for God tells him that he will send a rain to destroy all flesh.] “Enter in þe{n}n,” q{uod} he, “& haf þi wyf w{i}t{h} þe, Þy þre su{n}eȝ w{i}t{h}-outen þrep & her þre wyueȝ; Besteȝ, as I bedene haue, bosk þ{er}-i{n}ne als, & when ȝe arn staued, styfly stekeȝ yow þ{er}i{n}ne; 352 Fro seuen dayeȝ ben seyed I sende out by-lyue, Such a rowtande ryge þat rayne schal swyþe, Þat schal wasch alle þe worlde of werkeȝ of fylþe; Schal no flesch vpon folde by fonden onlyue; 356 [Sidenote: Noah stows all safely in the ark.] Out-taken yow aȝt i{n} þis ark staued, & sed þat I wyl saue of þyse ser besteȝ.” Now Noe neu{er} stysteȝ[17] (þat niyȝ[t] he bygy{n}neȝ), Er al wer stawed & stoken, as þe steuen wolde. 360 [Sidenote: [Fol. 62a.]] [Sidenote: Seven days are passed.] The{n}ne sone com þe seuenþe day, when samned wern alle, & alle woned i{n} þe whichche þe wylde & þe tame. [Sidenote: The deep begins to swell, banks are broken down, and the clouds burst.] Þe{n} bolned þe abyme & bonkeȝ con ryse, Walt{es} out vch walle-heued, i{n} ful wode stremeȝ, 364 Watȝ no bry{m}me þat abod vnbrosten bylyue, Þe mukel lauande logh{e} to þe lyfte rered. Mony clust{er}ed clowde clef alle i{n} clowteȝ, To-rent vch a rayn-ryfte & rusched to þe vrþe; 368 [Sidenote: It rains for forty days, and the flood rises, and flows over the woods and fields.] Fon neu{er} i{n} forty dayeȝ, & þe{n} þe flod ryses, Ou{er}-walteȝ vche a wod & þe wyde feldeȝ; For when þe wat{er} of þe welkyn w{i}t{h} þe worlde mette, Alle þat deth moȝt dryȝe drowned þer-i{n}ne; 372 Þer watȝ moon forto make when meschef was cnowen, [Sidenote: All must drown.] Þat noȝt dowed bot þe deth in þe depe stremeȝ. Wat{er} wylger ay wax, woneȝ þat stryede, Hurled i{n}-to vch ho{us}, hent þat þer dowelled. 376 [Sidenote: The water enters the houses.] Fyrst feng to þe flyȝt alle þat fle myȝt, Vuche burde w{i}t{h} her barne þe byggy{n}g þay leueȝ, [Sidenote: Each woman with her bairns flees to the hills.] & bowed to þe hyȝ bonk þer brentest hit wern, & het{er}ly to þe hyȝe hylleȝ þay [h]aled on faste; 380 [Sidenote: The rain never ceases.] Bot al watȝ nedleȝ her note, for neu{er} cowþe stynt Þe roȝe raynande ryg [&] þe raykande waweȝ, [Sidenote: The valleys are filled.] Er vch boþom watȝ brurd-ful to þe bonkeȝ eggeȝ, & vche a dale so depe þat de{m}med at þe brynkeȝ.