[Sidenote: Commands him to make “a mansion” with dwellings for wild and tame.] Bot make to þe a manciou{n} & þat is my wylle, A cofer closed of tres, clanlych planed; Wyrk woneȝ þ{er}i{n}ne for wylde & for tame, & þe{n}ne cleme hit w{i}t{h} clay comly w{i}t{h}-i{n}ne[16] 312 & alle þe endentur dryuen daube w{i}t{h}-outen. [Sidenote: To let the ark be three hundred cubits in length, and fifty in breadth, and thirty in height, and a window in it a cubit square.] & þ{us} of lenþe & of large þat lome þ{o}u make, Þre hundred of cupydeȝ þ{o}u holde to þe lenþe, Of fyfty fayre ou{er}-þwert forme þe brede; 316 & loke euen þat þyn ark haue of heȝþe þretté, & a wyndow wyd vpon, wroȝt vpon lofte, In þe compas of a cubit kyndely sware, [Sidenote: Also a good shutting door in the side, together with halls, recesses, bushes, and bowers, and well-formed pens.] A wel dutande dor, don on þe syde; 320 Haf halleȝ þer-i{n}ne & halkeȝ ful mony, Boþe boskeȝ & bo{ur}eȝ & wel bou{n}den peneȝ; For I schal waken vp a wat{er} to wasch alle þe worlde, & quelle alle þat is quik w{i}t{h} quauende flodeȝ. 324 [Sidenote: [Fol. 61b.]] [Sidenote: For all flesh shall be destroyed, except Noah and his family.] Alle þat glydeȝ & gotȝ, & gost of lyf habbeȝ, I schal wast with my wrath þat wons vpon vrþe; Bot my forwarde w{i}t{h} þe I festen on þis wyse, For þ{o}u in reysou{n} hatȝ rengned & ryȝtwys ben eu{er}; 328 Þ{o}u schal ent{er} þis ark w{i}t{h} þyn aþel barneȝ & þy wedded wyf; with þe þ{o}u take Þe makeȝ of þy myry su{n}eȝ; þis meyny of aȝte [Sidenote: Noah is told to take into the ark seven pairs of every clean beast, and one of unclean kind, and to furnish the ark with proper food.] I schal saue of mo{n}neȝ sauleȝ, & swelt þose oþ{er}. 332 Of vche best þat bereȝ lyf busk þe a cupple, Of vche clene comly kynde enclose seuen makeȝ, Of vche horwed, i{n} ark halde bot a payre, For to saue me þe sede of alle ser kyndeȝ; 336 & ay þ{o}u meng w{i}t{h} þe maleȝ þe mete ho-besteȝ, Vche payre by payre to plese ayþ{er} oþ{er}; W{i}t{h} alle þe fode þat may be fou{n}de frette þy cofer, For sustnau{n}ce to yow self & also þose oþ{er}.” 340 [Sidenote: Noah fills the ark.] Ful grayþely gotȝ þis god ma{n} & dos godeȝ hestes, In dryȝ dred & dau{n}ger, þat durst do non oþer. Wen hit watȝ fettled & forged & to þe fulle grayþed, Þe{n}n con dryȝttyn hym dele dryȝly þyse wordeȝ: 344 [Sidenote 15: _fained_ (?).] [Sidenote 16: MS. w{i}t{h}i{n}me] [Headnote: THE RAIN DESCENDS.] V.