++Cancer the creuyce is a Fishe of {th}e see that is closed in a harde shelle, hauyng many fete and clawes / and euer it crepeth bacward / & the he hathe two py{n}nes on his bely, & {th}e she hathe none / whan he wyll engender, he cli{m}meth on her bake, and she turneth her syde towardes him, & so they fulfyll their workes. In maye they chaunge their cotes, & in wi{n}ter they hyde the{m} fiue monethes duringe / wha{n} the creues hath dro{n}ken milke it may leue lo{n}ge w{i}t{h}out wat{er}. when he is olde, he hathe ij. stones in his hed with rede spottes that haue great vertue / for if they be layde in drynke / they withdryue the payne frome the herte. thecreuyce eteth the Oysters, & geteth the{m} be policye / for whan the oyster gapeth, he throweth lytell stones in him, and so geteth his fishe out, for it bydeth than open. The Operacion. [Sidenote: Fresh-Water Crayfish is hard to digest.] ¶ The Asshes of hym is gode to make white tethe / & to kepe the motes out of the clothes / it w{i}t{h}dryueth byles, & heleth mangynes. The creuyce of the fresshe water geueth gret fode, but it is an heuy mete to disieste. Cap. xviij. [Sidenote: Caucius.] ++Cauci{us} is a fisshe that will nat be taken w{i}t{h} no hokes / but [Sidenote: Capitaius.] eteth of {th}e bayte & goth his way quyte. Capitai{us} is a lytel fisshe w{i}t{h} a great hede / a wyde rou{n}de mouthe / & [Sidenote: _Carp._ Is difficult to net.] it hydeth him vnder the stones. Nota. Carpera is a carpe, & it is a fysshe that hathe great scales / and the female hathe a great rowghe, & she can bringe forthe no yonges tyll she haue receyued mylke of her make / & that she receyueth at the mouth / and it is yll for to take / for whan it perceyueth that it shalbe taken w{i}t{h} the net, tha{n} it thrusteth the hede into the mudde of the water / and than the nette slyppeth ouer him whiche waye soeuer it come; & some holde them fast be the grounde, grasse / or erbis, & so saue themselfe. Cap. xix. [Sidenote: _Whale._ Likes Harmony. Gets harpooned, rubs the harpoon into himself, and slays himself.]