++Cetus is the greatest whale fisshe of all / his mouthe is so wyde that he bloweth vp the water as yf it were a clowde / wherw{i}t{h} he drowneth many shippes / but whan the maryners spye where he is / than thei acco{m}pany them a gret many of shyppes togeder about him with diuers i{n}strume{n}tis of musike, & they play with grete armonye / & the fische is very gladde of this armonye / & co{m}meth fletynge a-boue the watere to here the melody, & than they haue amonge them an instrument of yron, {th}e whiche they feste{n} in-to the harde ski{n}ne, & the weght of it synketh downwarde in to {th}e fat & grese / & sodenly w{i}t{h} that al {th}e instrumentes of musike be styll, and {th}e shyppes departe frome thens, & anone he sinketh to the grownde / & he feleth {tha}t the salt watere smarteth in {th}e wou{n}de, tha{n} he turneth his bely vpwaerd and rubbeth his wownde agay{n}st {th}e grou{n}d, & the more he rubbeth, the depere it entreth / & he rubbeth so longe {tha}t he sleeth hymself / and whan he is dede, than co{m}meth he vp agayne and sheweth him selfe dede / as he dyd before quicke / and than the shippes gader them togeder agayne, and take, & so lede hym to lo{n}de, & do theyr profyte with hym. Cap. xxij. [Sidenote: Conche, or _Muscle_.] ++Conche be abydynge in {th}e harde shellis: as {th}e mone growth or waneth, so be the conches or muscles fulle or nat full, but smale / & there be many sortes of conches or musclys / but {th}e best be they that haue the perles in. Cap. xxiij. [Sidenote: Sea-snails.] ++Coochele / is a snayle dwelli{n}ge in the water & also on the lo{n}de / they go out of theyr howses / & they thruste out .ij. longe hornes wherwith they fele wether they go / for they se nat where they crepe. Cap. xxiiij. [Sidenote: _Conger._] ++The Conger is a se fisshe facioned like an ele / but they be moche greter in qua{n}tyte / & whan it bloweth sore, than [Sidenote: Polippus.] waxe they fatte. ¶ Polippus is also a stronge fisshe {tha}t onwarse he wyl pull a man out of a shyp. yet {th}e conger is so stronge that he wyll tere polippu{m} asonder w{i}t{h} his teth, & in winter {th}e conger layth in {th}e depe cauernes or holes of the water. & he is nat taken but in somer. ¶ Esculapius sayth. [Sidenote: Corets.] Coretz is a fisshe that hydeth hym in the depe of {th}e water whan it rayneth / for yf he receiued any rayne, he sholde waxe blynde, and dye of it. ¶ Iorath sayth. The fisshes that be [Sidenote: _Sea-crevice._] named se craues / wha{n}ne they haue yo{n}ges / they make suche noise {tha}t through theyr noyse they be fou{n}de and taken. Cap. xxvij. [Sidenote: Dolphin or Mermaid.]