++Breke that dere [a] lesche y^t brawne rere that goose lyft that swanne sauce that capon [b] spoyle that henne frusshe that chekyn [c] vnbrace that malarde vnlace that cony dysmembre that heron dysplaye that crane dysfygure that pecocke vnioynt that bytture [d] vntache that curlewe alaye that fesande wynge that partryche wynge that quayle mynce that plouer thye that pegyon [e] border that pasty thye that wodcocke [f] thye all maner of small byrdes tymbre that fyre tyere that egge chyne that samon strynge that lampraye [g] splatte that pyke sauce that playce sauce that tenche splaye that breme syde that haddocke tuske that barbell culpon that troute [h] fynne that cheuen transsene that ele traunche that sturgyon vndertraunche y^t purpos tayme that crabbe [i] barbe that lopster ¶ Here hendeth the goodly termes. [Sidenotes: Terms of a Carver: [a] Slice brawn, [b] spoil a hen, [c] unbrace a mallard, [d] untache a curlew, [e] border a pasty, [f] thigh small birds, [g] splat a pike, [h] fin a chub, [i] barb a lobster] [Headnote: THE BUTLER AND PANTER’S DUTIES.] ¶ Here begynneth Butler and Panter. [a] ++Thou shalte be Butler and Panter all the fyrst yere / and ye muste haue thre pantry knyues / one knyfe to square tre{n}choure loues / an other to be a [Fol. A ii.] chyppere / the thyrde shall be sharpe to make smothe tre{n}choures / than chyppe your soueraynes brede hote, and all other brede let it be a daye olde / housholde brede thre dayes olde / [b] trenchour brede foure dayes olde / than loke your salte by whyte and drye / the planer made of Iuory, two inches brode & thre inches longe / & loke that youre salte seller lydde touche not the salte / tha{n} loke your table clothes, towelles, and napkyns, be fayre folden in a cheste or ha{n}ged vpon a perche / than loke your table knyues be fayre pullysshed, & your spones clene / [c] than loke ye haue two tarryours, a more & a lesse, & wyne cannelles of boxe made accordynge / a sharpe gymlot & faucettes. And whan ye sette a pype on broche, do thus / set it foure fynger brede aboue y^e nether chyme vpwardes aslaunte / and than shall y^e lyes neuer a-ryse. [d] Also loke ye haue in all seasons[A] butter, chese, apples, peres, nottes, plommes, grapes, dates, fygges & raysyns, compost, grene gynger and chardequynce. Serue fastynge butter, plommes, damesons, cheryes, and grapes, after mete, peres, nottes, strawberyes, hurtelberyes, & hard chese. Also brandrels or pepyns with carawey in confetes. After souper, rost apples & peres, with blaunche poudre, & harde chese / [e] be ware of cowe creme, & of good strawberyes, hurtelberyes, Iouncat, for these wyll make your souerayne seke but he ete harde chese / [f] harde chese hath these operacyo{n}s / it wyll kepe y^e stomacke open / butt{er} is holsome fyrst & last, for it wyll do awaye all poyso{ns} / [g] mylke, creme, & Iouncat, they wyll