¶ [a] Take gy{n}ger / peper / graynes / canell / synamon / suger and tornsole / than loke ye haue fyue or syxe bagges for your ypocras to renne in, & a perche that your renners may ren on / than muste ye haue .vi. peautre basyns to stande vnder your bagges / than loke your spyce be redy / & your gynger well pared or it be beten [Fol. A iii.] to poudre / [b] than loke your stalkes of synamon be well coloured; & swete canell is not so gentyll in operacyon; synamon is hote and drye / graynes of paradico[B] be{n} hote and moyste / gynger / graynes / longe peper / and suger, ben hote and moyst / synamo{n} / canell, & rede wyne, ben hote and drye / tornsole is holsome / for reed wyne colourynge. Now knowe ye the proporcyons of your ypocras / [c] than bete your poudres eche by themselfe, & put them in bladders, & hange your bagges sure, that no bage touche other / but let eche basyn touche other; let the fyrste basyn be of a galon, and eche of the other of a potell / than put in your basyn a galo{n} of reed wyne, put thereto your poudres, and styre them well / than put them in to the fyrste bagge, and let it renne / than put them in to the seconde bagge / than take a pece in your hande, and assaye yf it be stronge of gynger / and alaye it with synamon / and it be stro[{n}]ge of synamon / alaye it with suger / and loke ye lette it renne thrughe syxe renners / & your ypocras shall be the fyner / than put your ypocras in to a close vessell, and [d] kepe the receyte / for it wyll serue for sewes / than serue your souerayne with wafers and ypocras. [e] Also loke your composte be fayre and clene / and your ale fyue dayes olde or men drynke it / tha{n} kepe your hous of offyce clene, & be curtoys of answere to eche persone, and loke ye gyue no persone noo dowled drynke / for it wyll breke y^e scabbe. [f] And whan ye laye the clothe, wype y^e borde clene with a cloute / than [g] laye a cloth, a couche, it is called, take your felawe that one ende, & holde you that other ende, than drawe the clothe straught, the bought on y^e vtter edge / take the vtter parte, & hange it euen / than take the thyrde clothe, and lay y^e bought on the inner [Fol. A iii.b.] edge / and laye estat with the vpper parte halfe a fote brode / than [h] couer thy cupborde and thyn ewery with the towell of dyaper / than take thy towell about thy necke, and laye that one syde of y^e towell vpon thy lefte arme / and there-on laye your soueraynes napkyn / and laye on thyn arme seuen loues of brede, with thre or foure trenchour loues, with the ende of y^e towell in the lefte hande, as the maner is / than [i] take thy salte seller in thy lefte hande, and take the ende of y^e towell in your ryght hande to bere in spones and knyues / than [k] set your salt on the ryght syde where your souerayne shall sytte, and on y^e lefte syde the salte set your trenchours / than [l] laye your knyues, & set your brede, one lofe by an other / your spones, and your napkyns fayre