folden besyde your brede / than couer your brede and trenchoures, spones and knyues / & at euery ende of y^e table set a salte seller with two treachour [C] loues / [m] and yf ye wyll wrappe your soueraynes brede stately, ye muste [n] square and proporcyon your brede, and se that no lofe be more than an other / and than shall ye make your wrapper man[er]ly / than take a towell of reynes of two yerdes and an halfe, and take the towell by y^e endes double, and laye it on the table / than take the ende of y^e bought a handfull in your hande, and wrappe it harde, and laye the ende so wrapped bytwene two towelles; vpon that ende so wrapped, lay your brede, botom to botom, syxe or seuen loues / than set your brede manerly in fourme / and whan your soueraynes table is thus arayed, [o] couer all other bordes with salte, trenchoures, & cuppes. [p] Also so[D] thyn ewery be arayed with basyns & ewers, & water hote & colde / and se’ ye haue napkyns, cuppes, & spones / & se your pottes for wyne [Fol. A 4.] and ale be made clene, and [q] to y^e surnape make ye curtesy with a clothe vnder a fayre double napry / tha{n} take þe towelles ende nexte you / & the vtter ende of the clothe on the vtter syde of the table, & holde these thre endes atones, & folde them atones, that a plyte passe not a fote brode / than laye it euen there it sholde lye. [r] And after mete wasshe with that that is at y^e ryghte ende of the table / ye muste guyde it out, and the marshall must conuey it / and loke on eche clothe the ryght syde be outwarde, & drawe it streyght / than must ye reyse the vpper parte of y^e towell, & laye it w{i}t{h}-out ony gronynge / and at euery ende of y^e towell [s] ye must conuey halfe a yerde that y^e sewer may make estate reuerently, and let it be. [t] And whan your souerayne hath wasshen, drawe y^e surnape euen / than bere the surnape to the myddes of the borde & take it vp before your souerayne, & bere it in to y^e ewery agayne. [v] And whan your souerayne it[E] set, loke your towell be aboute your necke / than make your souerayne curtesy / than vncouer your brede & set it by the salte & laye your napkyn, knyfe, & spone, afore hym / than knele on your knee tyll the purpayne passe eyght loues / & loke ye set at y^e endes of y^e table foure loues at a messe / and se that euery persone haue napkyn and spone / [x] & wayte well to y^e sewer how many dysshes be couered; y^e so many cuppes couer ye / than serue ye forth the table manerly y^t euery man may speke your curtesy.