[a] ++The keruer of fysshe must se to pessene & fourmentye the tayle and y^e lyuer: ye must loke [b] yf there be a salte purpos, or sele turrentyne, & do after y^e fourme of venyson / baken herynge, laye it hole vpon your soueraynes trenchour / whyte hery{n}ge in a disshe, open it by y^e backe, pyke out the bones & the rowe, & se there be mustarde. Of salte fysshe, grene fysshe, salt samon & congre, pare away y^e skyn / salte fysshe, stocke fysshe, marlynge, makrell, and hake, with butter: take awaye the bones & the skynnes. A pyke, laye y^e wombe vpon his trenchour w{i}t{h} pyke sauce ynoughe. A salte [Fol. B 4.] lampraye, gobone it flatte in .vii. or .viii. peces, & lay it to your souerayne. A playce, put out the water / than crosse hym with your knyfe, caste on salte & wyne or ale. [c] Gornarde, rochet, breme, cheuene, base, molet, roche, perche, sole, makrell & whytynge, haddocke and codlynge, reyse them by the backe, & pyke out the bones, & clense the refet in y^e bely. [d] Carpe, breme, sole, & troute, backe & belly togyder. Samon, congre, sturgyon, turbot, thorpole, thornebacke, hou{n}de-fysshe, & halybut, cut them in the dysshe as y^e porpas aboute / tenche in his sauce, cut it / eles & lamprayes roost, pull of the skynne, pyke out y^e bones, put therto vyneger & poudre. [e] A crabbe, breke hym a-sonder in to a dysshe, make y^e shelle clene, & put in the stuffe agayne, tempre it with vynegre & pouder, than couer it with brede, and sende it to the kytchyn to hete / than set it to your souerayne, and breke the grete clawes, and laye them in a disshe. [f] A creues, dyght hym thus: departe hym a-sonder, & slytee[P] the belly, and take out y^e fysshe; pare away the reed skynne, and mynce it thynne; put vynegre in the dysshe, and set in on y^e table w{i}t{h}out hete. A Iol of sturgyon, cut it in thynne morselles, & lay it rou{n}de aboute the dysshe. Fresshe lampraye bake: open y^e pasty / than take whyte brede, and cut it thynne, & lay it in a dysshe, & [g] with a spone take out galentyne, & lay it vpon the brede with reed wyne & poudre of synamon / than cut a gobone of the lampraye, & mynce the gobone thynne, and laye it in the galentyne; than set it vpo{n} the fyre to hete. [h] Fresshe herynge with salte & wyne / shrympes wel pyked, flou{n}dres, gogyons, menewes & musceles, eles and lamprayes: [i] sprottes is good in sewe / musculade in wortes / oystres i{n} ceuy, oysters in grauy, menewes in porpas, samo{n} & seele, gelly [Fol. B 4b.] whyte and reede, creme of almo{n}des, [k] dates in comfetes, peres and quynces in syrupe, with percely rotes; mortrus of houndes fysshe, ryse standynge.