¶ And lay thy trencho{ur} þe be-fore, And sitt vp-ryȝht for any sore. Spare brede or wyne, drynke or ale, To thy messe of kochyñ be sett in sale; 44 ¶ Lest men sayne þ{o}u art hong{ur} beteñ, Or ellis a gloten þ{a}t all{e} me{n} wyteñ, Loke þy naylys ben clene in blythe, Lest þy felagh{e} lothe ther-wyth. 48 ¶ Byt not on thy brede and lay h{i}t dou{n},-- That is no curteyse to vse in towñ;-- But breke as mych{e} as þ{o}u wyll{e} ete, The remelant to pore þ{o}u shall{e} lete. 52 ¶ In peese þ{o}u ete, and eu{er} eschewe To flyte[5] at borde; þ{a}t may þe rewe. Yf þ{o}u make mawes[6] on any wyse, A velany þ{o}u kacches or eu{er} þ{o}u rise. 56 ¶ Let neu{er} þy cheke be Made to grete [Fol. 13.] W{i}t{h} morsell{e} of brede þ{a}t þ{o}u shall{e} ete; An apys mow men sayne he makes, Þ{a}t brede and flesshe in hys cheke bakes. 60 ¶ Yf any mañ speke þ{a}t tyme to the, And þ{o}u schall{e} onsware, h{i}t will{e} not be But waloande, and a-byde þ{o}u most; Þ{a}t is a schame for alle the host. 64 ¶ On bothe halfe þy mouthe, yf þ{a}t þ{o}u ete, Mony a skorne shall{e} þ{o}u gete. Þ{o}u shall{e} not lauȝhe ne speke no þyng{e} Whille þi mouthe be full{e} of mete or drynke; 68 ¶ Ne suppe not w{i}t{h} grete sowndyng{e} Noþer potage ne oþer þyng{e}. Let not þi spone stond in þy dysche, Wheþ{er} þ{o}u be s{er}ued w{i}t{h} fleshe or fische; 72 ¶ Ne lay hit not on thy dishe syde, But clense h{i}t honestly w{i}t{h}-outen pride. Loke no browyng{e} on þy fyng{ur} þore Defoule þe clothe þe be-fore. [p. 27, bot.] 76 ¶ In þi dysche yf þ{o}u wete þy brede, Loke þ{er}-of þat noȝt be lede To cast agayne þy dysche in-to; Þ{o}u art vn-hynde yf þ{o}u do so. 80 ¶ Drye þy mouthe ay wele {and} fynde When þ{o}u schall{e} drynke oþ{er} ale or wyne. Ne calle þ{o}u noȝt a dysche a-ȝayne, Þ{a}t ys take fro þe borde in playne; 84 ¶ Ȝif þ{o}u sp[i]tt ou{er} the borde, or ell{es} opoñ, Þ{o}u schall{e} be holden an vncurtayse mon; Yf þy nowñ dogge þ{o}u scrape or clawe, Þ{a}t is holden a vyse emong men knawe. 88 ¶ Yf þy nose þ{o}u clense, as may be-falle, Loke þy honde þ{o}u clense, as wyth{e}-alle, Priuely w{i}t{h} skyrt do hit away, Oþ{er} ellis thurgh{e} thi tepet þ{a}t is so gay. 92 ¶ Clense not thi tethe at mete sittande, W{i}t{h} knyfe ne stre, styk ne wande. While þ{o}u holdes mete i{n} mouthe, be war To drynke, þ{a}t is an-honest[7] char, 96