The prince's bed it was sae saft, The spices they were sae fine, 10 That out of it she could not lye While she was scarce fifteen. She's gane to the garden gay To pu' of the savin tree; But for a' that she could say or do, 15 The babie it would not die. She's rowed it in her handkerchief, She threw it in the sea: Says,--"Sink ye, swim ye, my bonnie babe, For ye'll get nae mair of me." 20 Queen Mary came tripping down the stair, Wi' the gold strings in her hair: "O whare's the little babie," she says, "That I heard greet sae sair?" "O hald your tongue, Queen Mary, my dame, 25 Let all those words go free; It was mysell wi' a fit o' the sair colic, I was sick just like to die." "O hald your tongue, Mary Hamilton, Let all those words go free; 30 O where is the little babie That I heard weep by thee?" "I rowed it in my handkerchief, And threw it in the sea; I bade it sink, I bade it swim, 35 It would get nae mair o' me." "O wae be to thee, Mary Hamilton, And an ill deid may you die; For if you had saved the babie's life, It might hae been an honour to thee. 40 "Busk ye, busk ye, Mary Hamilton, O busk ye to be a bride; For I am going to Edinburgh town Your gay wedding to bide. "You must not put on your robes of black, 45 Nor yet your robes of brown; But you must put on your yellow gold stuffs, To shine thro' Edinburgh town." "I will not put on my robes of black, Nor yet my robes of brown; 50 But I will put on my yellow gold stuffs, To shine thro' Edinburgh town." As she went up the Parliament Close, A riding on her horse, There she saw many a burgess' lady 55 Sit greeting at the cross. "O what means a' this greeting? I'm sure it's nae for me; For I'm come this day to Edinburgh town, Weel wedded for to be." 60 When she gade up the Parliament stair, She gied loud lauchters three; But ere that she had come down again, She was condemned to die. "O little did my mother think, 65 The day she prinned my gown, That I was to come sae far frae hame To be hanged in Edinburgh town. "O what'll my poor father think, As he comes through the town, 70 To see the face of his Molly fair Hanging on the gallows pin? "Here's a health to the mariners That plough the raging main; Let neither my mother nor father ken 75 But I'm coming hame again.