He's pitten on his cork-heel'd shoon, 5 And fast awa rade he; She's clad hersel in page array, And after him ran she: Till they came till a wan water, And folks do call it Clyde; 10 Then he's lookit o'er his left shoulder, Says, "Lady, will ye ride?" "O I learnt it wi' my bower woman, And I learnt it for my weal, Whanever I cam to wan water, 15 To swim like ony eel." But the firsten stap the lady stappit, The water came till her knee; "Ochon, alas!" said the lady, "This water's o'er deep for me." 20 The nexten stap the lady stappit, The water came till her middle; And sighin says that gay lady, "I've wat my gouden girdle." The thirden stap the lady stappit, 25 The water came till her pap; And the bairn that was in her twa sides For cauld began to quake. "Lie still, lie still, my ain dear babe; Ye work your mother wae: 30 Your father rides on high horse back, Cares little for us twae." O about the midst o' Clyde's water There was a yeard-fast stane; He lightly turn'd his horse about, 35 And took her on him behin. "O tell me this now, good lord John, And a word ye dinna lie, How far it is to your lodgin, Whare we this night maun be?" 40 "O see na ye yon castell, Ellen, That shines sae fair to see? There is a lady in it, Ellen, Will sinder you and me. "There is a lady in that castell 45 Will sinder you and I"-- "Betide me weal, betide me wae, I sall gang there and try." "My dogs shall eat the good white bread, And ye shall eat the bran; 50 Then will ye sigh, and say, alas! That ever I was a man!" "O I shall eat the good white bread, And your dogs shall eat the bran; And I hope to live to bless the day, 55 That ever ye was a man." "O my horse shall eat the good white meal, And ye sall eat the corn; Then will ye curse the heavy hour That ever your love was born." 60 ["O I shall eat the good white meal, And your horse shall eat the corn;][L62] I ay sall bless the happy hour That ever my love was born." O four and twenty gay ladies 65 Welcom'd lord John to the ha', But a fairer lady than them a' Led his horse to the stable sta.' O four and twenty gay ladies Welcom'd lord John to the green; 70 But a fairer lady than them a' At the manger stood alane.