When bells were rung, and mass was sung, And a' men boun to meat, Burd Ellen was at the bye-table 75 Amang the pages set. "O eat and drink, my bonny boy, The white bread and the beer."-- "The never a bit can I eat or drink, My heart's sae fu' o' fear." 80 "O eat and drink, my bonny boy, The white bread and the wine."-- "O how sall I eat or drink, master, Wi' heart sae fu' o' pine?" But out and spak lord John's mother, 85 And a wise woman was she: "Whare met ye wi' that bonny boy, That looks sae sad on thee? Sometimes his cheek is rosy red, And sometimes deadly wan; 90 He's liker a woman big wi' bairn, Than a young lord's serving man." "O it makes me laugh, my mother dear, Sic words to hear frae thee; He is a squire's ae dearest son, 95 That for love has followed me. "Rise up, rise up, my bonny boy, Gi'e my horse corn and hay."-- "O that I will, my master dear, As quickly as I may." 100 She's ta'en the hay under her arm, The corn intill her hand, And she's gane to the great stable, As fast as e'er she can. "O room ye round, my bonny brown steeds, 105 O room ye near the wa'; For the pain that strikes me through my sides Full soon will gar me fa'." She lean'd her back against the wa'; Strong travel came her on; 110 And e'en amang the great horse feet Burd Ellen brought forth her son. Lord Johnis mither intill her bower Was sitting all alane, When, in the silence o' the nicht, 115 She heard Burd Ellen's mane. "Won up, won up, my son," she says, "Gae see how a' does fare; For I think I hear a woman's groans, And a bairnie greetin' sair." 120 O hastily he gat him up, Staid neither for hose nor shoon, And he's doen him to the stable door Wi' the clear light o' the moon. He strack the door hard wi' his foot, 125 Sae has he wi' his knee, And iron locks and iron bars Into the floor flung he: "Be not afraid, Burd Ellen," he says, "There's nane come in but me. 130 "Tak up, tak up my bonny young son; Gar wash him wi' the milk; Tak up, tak up my fair lady, Gar row her in the silk. "And cheer thee up, Burd Ellen," he says, 135 "Look nae mair sad nor wae; For your marriage and your kirkin too Sall baith be in ae day." 62,63, according to Jamieson, the same as vv. 54, 55, but here formed on their model, from 57, 58. ERLINTON.