"O wha is this, or wha is that, Has stown my love frae me? Although he were my ae brither, An ill dead sall he die. 100 "Gae, saddle to me the black," he says; "Gae, saddle to me the brown; Gae, saddle to me the swiftest steed, That ever rade frae the town." He's call'd upon his merry men a', 105 To follow him to the glen; And he's vow'd he'd neither eat nor sleep Till he got his love again. He's mounted him on a milk-white steed, And fast he rade away; 110 And he's come to Glenlyon's yett, About the close o' day. As Baby at her window stood, And the west-wind saft did blaw, She heard her Johnie's well-kent voice 115 Aneath the castle wa'. "O Baby, haste, the window loup; I'll kep you in my arm; My merry men a' are at the yett To rescue you frae harm." 120 She to the window fix'd her sheets, And slipped safely down; And Johnie catched her in his arms, Ne'er loot her touch the groun'. Glenlyon and his brother John 125 Were birling in the ha', When they heard Johnie's bridle ring As fast he rade awa'. "Rise, Jock; gang out and meet the priest; I hear his bridle ring; 130 My Baby now shall be my wife, Before the laverock sing." "O brother, this is nae the priest; I fear he'll come o'er late; For armed men wi' shining brands 135 Stand at the castle yett." "Haste, Donald, Duncan, Dugald, Hugh, Haste, tak your sword and spear; We'll gar these traytors rue the hour That e'er they ventured here." 140 The Highlandmen drew their claymores, And gae a warlike shout; But Johnie's merry men kept the yett, Nae ane durst venture out. The lovers rade the lee-lang night, 145 And safe got on their way; And Bonny Baby Livingstone Has gotten Johny Hay. "Awa, Glenlyon! fy for shame! Gae hide you in some den; 150 You've latten your bride be stown frae you, For a' your armed men." THE BROOM OF COWDENKNOWS. _Minstrelsy of the Scottish Border_, iii. 37. For other versions, see _Bonny May_, Herd's _Scottish Songs_, i. 159, and Johnson's _Museum_, p. 113; _Broom o' the Cowdenknowes_, Buchan, i. 172; _Laird of Ochiltree_, Kinloch, 160; _Laird of Lochnie_, Kinloch, 167. O the broom, and the bonny bonny broom, And the broom of the Cowdenknows! And aye sae sweet as the lassie sang, I' the bought, milking the ewes.