Erle Huntlie came wi' Haddo Gordone, An' countit ane thusan men; But Murry had abien twal hunder, Wi' sax score horsemen and ten. They soundit thi bougills an' the trumpits, 25 An' marchit on in brave array, Till the spiers an' the axis forgatherit, An' than did begin thi fray. Thi Gordones sae fercelie did fecht it, Withouten terrer or dreid, 30 That mony o' Murry's men lay gaspin, An' dyit thi grund wi theire bleid. Then fause Murry feingit to flee them, An' they pursuit at his backe, Whan thi haf o' thi Gordones desertit, 35 An' turnit wi' Murray in a crack. Wi hether i' thir bonnits they turnit, The traiter Haddo o' their heid, An' slaid theire brithers an' their fatheris, An' spoilit an' left them for deid. 40 Then Murry cried to tak thi auld Gordone, An' mony ane ran wi' speid; But Stuart o' Inchbraik had him stickit, An' out gushit thi fat lurdane's bleid. Then they teuke his twa sones quick an' hale, 45 An' bare them awa' to Aberdene; But fair did our guide quine lament Thi waeful chance that they were tane. Erle Murry lost mony a gallant stout man; Thi hopefu' laird o' Thornitune, 50 Pittera's sons, an Egli's far fearit laird, An mair to mi unkend, fell doune. Erle Huntly mist ten score o' his bra' men, Sum o' heigh an' sum o' leigh degree; Skeenis youngest son, thi pryde o' a' the clan, Was ther fun' dead, he widna flee. 55 This bloody fecht wis fercely faucht Octobri's aught an' twinty day, Crystis' fyfteen hundred thriscore yeir An' twa will merk thi deidlie fray. 60 But now the day maist waefu' came, That day the quine did grite her fill, For Huntly's gallant stalwart son, Wis heidit on thi heidin hill. Fyve noble Gordones wi' him hangit were 65 Upon thi samen fatal playne; Crule Murry gar't thi waefu' quine luke out, And see hir lover an' liges slayne. I wis our quine had better frinds, I wis our country better peice; 70 I wis our lords wid na' discord, I wis our weirs at hame may ceise. 5. This. THE BATTLE OF BALRINNES, (OTHERWISE CALLED THE BATTLE OF GLENLIVET.)