Then out it speaks Sir Ned Magnew, Ane o' young Willie's kin; "This youth was ance a sprightlie boy As ever lived in Linne." 80 He turned him richt and roun' about, As will as woman's son; Then minded him on a little wee key, That his mither left to him. His mither left him this little wee key 85 A little before she deed; And bad him keep this little wee key Till he was in maist need. Then forth he went, an' these nobles left, A' drinkin' in the room; 90 Wi' walkin' rod intill his hand, He walked the castle roun'. There he found out a little door, For there the wee key slippit in, An' there he got as muckle red gowd 95 As freed the lands o' Linne. Back through the nobles then he went, A saucie man was then; "I'll tak' the cup frae this new-come laird, For he ne'er bad me sit doun." 100 Then out it speaks the new-come laird, He spak' wi' mock an' jeer; "I'd gie a seat to the laird o' Linne, Sae be that he were here. "When the lands o' Linne a sellin' were, 105 A' men said they were free; This lad shall hae them frae me this day, If he'll gie the third pennie." "I tak' ye witness, nobles a', Gude witnesses ye'll be; 110 I'm promis'd the lands o' Linne this day, If I gie the third pennie." "Ye've taen us witnesses, Willie," they said, "Gude witnesses we'll be; Buy the lands o' Linne who likes, 115 They'll ne'er be bought by thee." He's done him to a gamin' table, For it stood fair and clean; There he tauld doun as much rich gowd As freed the lands o' Linne. 120 Thus having done, he turn'd about, A saucie man was he; "Tak' up your monie, my lad," he says, "Tak' up your third pennie. "Aft hae I gane wi' barefeet cauld, 125 Likewise wi' legs fu' bare, And mony day walk'd at these yetts Wi' muckle dool an' care. "But now my sorrow's past and gane, And joy's returned to me; 130 And here I've gowd enough forbye, Ahin this third pennie." As Willie he gaed doun the toun, There he craw'd wonderous crouse; He ca'd the may afore them a', 135 The nourice o' the house. "Come here, come here, my nurse," he says, "I'll pay your bread and wine; Seas ebb and flow as they wont to do, Yet I'm the laird o' Linne." 140