The two coloured facsimiles of this little pamphlet explain themselves. The Manual, which was the medieval priest’s handbook for the services of Baptism, Marriage, Visitation of the Sick, Burial, etc., is virtually the only one of the medieval Latin service-books which contained invariably a certain proportion of its text in English. The text of the English varies in a measure in different MSS. Extra Series, XC. RICHARD CLAY & SONS, LIMITED, LONDON AND BUNGAY. _From the British Museum Manual, MS. 30,506_ (XV cent.). FROM THE SERVICE FOR BAPTISM. * * * * * [1]N. I cristene þe in þe name of þe fader, and of þe sone, and of þe holy gost. * * * * * [2]Godfaderis and godmoderis, I charge ȝow, and þe fader and þe moder, that þis child be kept þis seuen ȝer fro wat{er}, fro feer, fro hors [3]fot, fro hondes toth; and þat he ligge not be þe fader an be þe moder vn-to tyme he co{n}ne sey “ligge outter,” and þat he be confermyd of a byschop that next cometh to contre be seuen myle behalue, and þat [he] be tauȝt his beleue, þat is for to sey, Pat{er} n{oste}r, Aue maria, and Credo; And þat ȝe wasche ȝo{ur} hondes er ȝe goon owt of chirche, in peyne of fastyng xl fridayes. FOOTNOTES: [1] leaf 23. [2] leaf 23, back. [3] leaf 24. FROM THE MARRIAGE SERVICE. * * * * * [1]I aske þe banes betwen I de B and A de C. ȝif any man or woman kan sey or put any lettenge of sybrede, wherfor they may not, ne owght not, to come togedere be lawe of holy chirche, do vs to wete. * * * * * [2]Lo, syres, we been her gadered togedere befor god and alle his aungelis and his seyntis, in þe sith of holi cherche, to knette togedere two bodies, that is to sey, þis man and þis woman, to þis ende, þat fro{m} þis tyme forward þei moste be o flesch, and two sowles in þe feith and in þe lawe of god, to deserue togedere euer lastyng lyf in amendement of that þat þei haue do amys herbefore: wherfor I amones ȝow alle, that, ȝif þer be any of ȝow þat knowe any lawful lettyng whi þis man and þis woma{n} mai not be wedded togedere lawfulli, þat now he sey and knowliche it. * * * * * Also I charge ȝow, bothe man and woman, þat ȝif ony of ȝow haue made any contract p{r}iuyli [3]before þis tyme, or any avow mad, or ony other cause knowe, whi þat ȝe mai not come to-gedere lawfulli, now knowliche it. * * * * * N. Wiltow haue þis woman to þin wyf, and loue here, and worshipe here, and holde hire, and kepe here in seknes and in hele, as an hosbonde owyth to his wif, and alle oþer women to forsaken for hire, and only to drawe to hire as longe as ȝowre bothe lyues to ged{er}e lasten? * * * * *