Anon out of þe north est þe noys bigynes: When boþe breþes con blowe upon blo watteres, Roȝ rakkes per ros with rudnyng anunder, Þe see souȝed ful sore, gret selly to here, Þe wyndes on þe wonne water so wrastel togeder, Þat þe wawes ful wode waltered so hiȝe And efte busched to þe abyme, þat breed fysches, Durst nowhere for roȝ arest at þe bothem. When þe breth and þe brok and þe bote metten, Hit watz a ioyles gyn, þat Ionas watz inne; For hit reled on roun upon þe roȝe yþes. (_Patience_, ll. 137-147. ab. 1375.) Til þe knyȝt com hym-self, kachande his blonk, Syȝ hym byde at þe bay, his burneȝ bysyde, He lyȝtes luflych adoun, leveȝ his corsour, Braydeȝ out a bryȝt bront, & bigly forth strydeȝ, Foundeȝ fast þurȝ the forþ, þer þe felle byde, Þe wylde watȝ war of þe wyȝe with weppen in honde. Hef hyȝly þe here, so hetterly he fnast, Þat fele ferde for þe frekeȝ, lest felle hym þe worre Þe swyn setteȝ hym out on þe segge even, Þat þe burne & þe bor were boþe upon hepeȝ, In þe wyȝt-est of þe water, þe worre had þat oþer; For þe mon merkkeȝ hym wel, as þay mette fyrst, Set sadly þe scharp in þe slot even, Hit hym up to þe hult, þat þe hert schyndered, & he ȝarrande hym ȝelde, & ȝedoun þe water, ful tyt; A hundreth houndeȝ hym hent, Þat bremely con hym bite, Burneȝ him broȝt to bent, & doggeȝ to dethe endite. (_Sir Gawayne and the Green Knight_, strophe xviii. ab. 1375.) These two specimens, both doubtless the work of the same author (to whom are also attributed the _Pearl_ and _Cleanness_), represent the patriotic revival of the alliterative long line by contemporaries of Chaucer in the latter half of the fourteenth century. In _Sir Gawayne_ the rimeless long line is gathered into strophes, each of which concludes with four riming lines. (See above, p. 109.)