Kaj se vi pregxas, vi ne devas esti kiel la hipokrituloj, kiuj volonte staras kaj pregxas en la lernejoj, kaj apud la anguloj de la stratetoj; por ke ili estu vidataj de la homoj. Vere, mi diras al vi: Ili ricevis sian pagon. Sed se vi pregxas, iru en la cxambreton kaj fermu la pordon, kaj pregxu al via patro en la kasxito, kaj via patro, kiu vidas en la kasxiton, rekompencos gxin al vi publike. Kaj se vi pregxas, vi ne devas multe babili, kiel la idolistoj, cxar ili opinias ke gxi estos akceptata, se ili faras multe da paroloj. Tial vi ne devas simili al ili. Via patro scias, kion vi bezonas, antaux ol vi petas lin. Tial vi devas pregxi tiamaniere. Patro nia en la cxielo. Via nomo estu sanktigata. Via regno venu. Via volo farigxu sur la tero, kiel en la cxielo. Nian panon cxiutagan donu al ni hodiaux. Kaj pardonu al ni niajn kulpojn, kiel ni pardonas niajn kulpulojn. Kaj ne konduku nin en tenton, sed savu nin de la malbono. Cxar via estas la regno, kaj la forto, kaj la gloro en eterneco. Amen. Cxar se vi pardonos al la homoj iliajn kulpojn, tiam via cxiela patro pardonos ankaux al vi. Sed se vi ne pardonos al la homoj iliajn kulpojn, tiam via cxiela patro ankaux ne pardonos al vi viajn kulpojn. (La Evangelio Sankta Mateo VI, 5-16.)