4. Soyne after, that gracyous Lord to his liknes maide man, That place to be restord euen as He began, Of the Trinité bi accord, Adam and Eue that woman, 30 To multiplie without discord, in Paradise put He thaym, And sithen to both Gaf in commaundement On the Tre of Life to lay no hend. Bot yit the fals feynd 35 Made Hym with man wroth, 5. Entysyd man to glotony, styrd him to syn in pride; Bot in Paradise, securly, myght no syn abide, And therfor man full hastely was put out in that tyde, In wo and wandreth for to be, in paynes full vnrid 40 To knowe, Fyrst in erth, _and_ sythen in hell With feyndis for to dwell, Bot He his mercy mell To those that will Hym trawe. 45 6. Oyle of mercy He hus hight, as I haue hard red, To euery lifyng wight that wold luf Hym and dred; Bot now before His sight euery liffyng leyde, Most party day and nyght, syn in word and dede Full bold; 50 Som in pride, ire, and enuy, Som in couet_ei_s and glotyny, Som in sloth and lechery, And other wise many fold. 7. Therfor I drede lest God on vs will take veniance, 55 For syn is now alod, without any repentance. Sex hundreth yeris and od haue I, without distance, In erth, as any sod, liffyd with grete grevance Allway; And now I wax old, 60 Seke, sory, and cold, As muk apon mold I widder away. 8. Bot yit will I cry for mercy and call: Noe, Thi seruant, am I, Lord ouer all! 65 Therfor me, and my fry shal with me fall, Saue from velany, and bryng to Thi hall In heuen; And kepe me from syn This warld within; 70 Comly Kyng of mankyn, I pray The, here my stevyn! [_God appears above._] 9. _Deus._ Syn I haue maide all thyng that is liffand, Duke, emperour, and kyng, with Myne awne hand, For to haue thare likyng, bi see and bi sand, 75 Euery man to My bydyng shuld be bowand Full feruent, That maide man sich a creatoure, Farest of favoure; Man must luf Me paramoure 80 By reson, and repent.